‘उपत्यका समुदाय संक्रमणको संघारमा’: डा. प्रभात अधिकारी
काठमाडौँ — पछिल्ला दिन काठमाडौं उपत्यकामा कोरोना संक्रमण फैलिँदो छ । विज्ञहरूले संक्रमण अझै तीव्र गतिमा फैलिने संकेत देखिएको दाबी गरिरहेका छन् । मुलुकका अन्य स्थानमा जस्तै काठमाडौं उपत्यकामा पनि कोभिड–१९ संक्रमितको संख्या अकासिँदै गएको छ । सुरुका पाँच महिनासम्म यहाँ फाट्टफुट्ट मात्रै संक्रमण पुष्टि भए पनि पछिल्लो ६ दिनमै संक्रमितको संख्या ९२ बाट तीन गुणा बढेर २ सय ७६ पुगेको छ ।