बाँकेमा दुर्घटनाका घाइते भन्छन्- ‘बिस्तारै हाँक्नुस् भन्दा चालकले मानेनन्’

पूर्वतर्फबाट आइरहेको बा ४ ख ९०६४ नम्बरको ट्रकमा ठोक्किँदा १२ जनाको ज्यान गएको छ । कोरोना रोकथामका लागि जारी लकडाउनका कारण आवागमन सुविधा सहज नहुँदा र राज्यले नागरिक सुरक्षामा पहल नगर्दा यो विभत्स दुर्घटना भएको देखिन्छ ।

दुर्घटनामा परेर घाइते भएका रोल्पाका सुनिलकुमार परियारले मध्यरातमा एक्कासि ट्रक र भ्यान जुधेको बताए । भ्यान तीव्र गतिमा रहेको घाइते परियारले बताएका छन् । २० जना अट्ने भ्यानमा चालक सहचालक र यात्रु गरी ३३ जना सवार थिए । दाङका ६, रोल्पाका ५ र सल्यानका १० जना घाइते छन् ।

राज्यले बस्ने बास र जाने सुविधा दिन नसक्दा तीन दिनदेखिका भोका र अनिँदा युवालाई एक निजी भ्यानले क्षमताभन्दा दोब्बर संख्यामा राखेर साविकभन्दा ‘चौबर’ भाडा लिएर उनीहरूको घरतर्फ लैजाँदै गर्दा बाँकेमा दुर्घटना भयो ।