काँठका किसानलाई गहुँ भित्राउने चटारो

दिपेन्द्र रोक्का

काठमाडौँ — लकडाउनमा पनि सरकारले धानबाली लगाउन र भित्राउन राेकटाेक नगर्ने भएपछि हाल काँठ क्षेत्रका किसान गहुँ भित्राउने चटारोमा छन् ।

पहिलेका वर्षभन्दा यस वर्ष १ हप्तापछि गहुँ काटेको किसानहरु बताउँछन् । जारी लकडाउनको मारमा आफ्नो पेट पाल्न र आफूले लगाएको अन्नबाली भित्राउन यतिबेला उनीहरु व्यस्त छन् ।

लकडाउनकै कारण भक्तपुरको चाँगुनारायण क्षेत्रमा काम गर्ने खेतालाको कमी भएपछि गाउँलेहरु आफै मिलेर एक- अर्काको खेतमा सघाउँदै छन् । प्रतेक ४ घण्टाको ३०० रुपैयाँ पनि कमाउँछन् उनीहरु । लकडाउनमा घरभित्रै बसे आफूहरु भोकै पर्ने उनीहरुले सुनाए । असाेज र कात्तिकमा छरिएको गहुँ अहिले घर भित्राउन पाउँदा किसानहरु खुसी छन् । तर लकडाउन अझै लम्बिँदै गएमा धान रोपाइँमा समस्या आउन सक्ने आशंका उनीहरुले गर्न थालिसकेका छन् ।

प्रकाशित : जेष्ठ १२, २०७७ १६:१०
प्रतिक्रिया
पठाउनुहोस्

महोत्तरीमा प्रहरी र लागूऔषध कारोबारीबीच झडप, प्रहरीको गोली लागी १ को मृत्यु

सुनिता बराल

महोत्तरी — महोत्तरीमा प्रहरी र लागूऔषध कारोबारीबीच झडप हुँदा एक जनाको मृत्यु भएको छ । जिल्ला प्रहरी कार्यालयबाट सादा पोसाकमा खटिएका प्रहरी र लागूऔषध कारोबारीबीच आइतबार राति झडप भएको हो ।

झडपमा प्रहरीको गोली लागेर रामगोपालपुर ७ सहसौलाका १६ वर्षीय राजन यादवको मृत्यु भएको महोत्तरीका प्रहरी प्रमुख श्यामकृष्ण अधिकारीले जानकरी दिए । लागूऔषध कारोबारीले प्रहरीमाथि आक्रमण सुरु गरेपछि गोली चलाउन बाध्य भएको प्रहरीले जनाएको छ । घटनास्थलमा प्रहरीले ६ राउण्ड गोली प्रहार गरेको थियो ।

'लागूऔषध कारोबारीले आक्रमण सुरु गरेपछि आत्मरक्षाका लागि प्रहरीले गोली चलाउँदा घाइते भएका राजनको उपचारको क्रममा मृत्यु भएको हो', एसपी अधिकारीले भने ।

झडपमा घाइते भएका ४ प्रहरीलाई थप उपचारका लागि जनकपुर लगिएको छ । प्रहरीले घटनास्थलबाट लागूऔषध कारोबारी भनिएका ससौलाको २७ वर्षीय राहुल यादव र मृतक राउतका बुबा ५० वर्षीय सुरेन्द्र यादवलाई पक्राउ गरेको छ । उनीहरुको साथबाट प्रहरीले ठूलो परिमाणमा लागूऔषध 'नाइट्रोभेट' समेत बरामद गरेको छ ।


प्रकाशित : जेष्ठ १२, २०७७ १६:१०
पूरा पढ्नुहोस्
प्रतिक्रिया
पठाउनुहोस्
×