कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १४२

'मलाई पर्नु पीर कल्लाई परिच'

काठमाडौँ — कोरोना भाइरस (कोभिड–१९) फैलन नदिन सरकारले गत चैत ११ गतेदेखि लगाएको लकडाउनले सबै क्षेत्र प्रभावित बनेका छन्। त्यसमा पनि दैनिक ज्याला/ मजदुरी गरेर बिहानबेलुकी गर्जो टार्ने मजदुर वर्गलाई भने लकडाउन लम्बिएसँगै  समस्या पनि थपिँदै गएको छ । 

'मलाई पर्नु पीर कल्लाई परिच'

यस्तै मर्कामा परेका छन् ठमेलमा सारङ्गी बजाउँदै र बेच्दै आएका गन्धर्वहरु । सारङ्गी बजाउने, गीत गाउने र सारङ्गी, बाँसुरी र मर्चुङ्गा बेच्नेहरु दैनिक गुजारा चलाउनै मुश्किल परेको बताउँछन् ।


विगत २५ वर्षदेखि ठमेल क्षेत्रमा सारङ्गी बजाउँदै आएका डम्बर गन्धर्वको कथा पीडादायी छ । ५ जनाको परिवारसहित काठमाडौंमा बस्दै आएका उनी लकडाउनले आम्दानी हुँदैनभएको सुनाउँछन् ।


सधैंभरी आन्तरिक तथा बाहृय पर्यटकले गुल्जार बन्ने ठमेल लकडाउनले मसानघाटजस्तै बनेको छ । पर्यटक कोही नभएकोले आफ्नो कमाई शून्यमा झरेका उनी बताउँछन् । ठमेलमा मात्रै यसरी गुजार चलाउनेहरु दुईदर्जन भन्दा बढी व्यक्तिहरु रहेको उनी सुनाउँछन् ।


सरकारले राहत दिने भनेपनि वास्तविक ज्यालादारीमा का मगर्नेहरुले नपाएको गुनासो गरे ।

प्रकाशित : वैशाख १, २०७७ १६:०८
प्रतिक्रिया
पठाउनुहोस्
जनताको राय

पूर्वउपराष्ट्रपतिका छोरा तथा अखिल क्रान्तिकारीका महासचिव दिपेश पुनपछि सत्तारूढ माओवादीका उपाध्यक्ष तथा पूर्वसभामुख कृष्णबहादुर महरा सुन तस्करी अनुसन्धानमा पक्राउ परेका छन् । के सरकारले भ्रष्टाचारविरुद्ध शून्य सहनशीलता अपनाएकै हो त ?