के हो क्‍वारेन्टाइन र आइसोलेसन भनेको ?

कान्तिपुर संवाददाता

काठमाडौँ — कोरोना भाइरस(कोभिड–१९) को संक्रमण विश्वका अधिकांश मुलुकमा फैलिएसँगै सही सूचना र जानकारी नपाउँदा धेरै मानिस त्रसित र आतंकित बनेका छन् । प्राविधिक शब्द र औषधोपचारका तौरतरिका सुन्दा विश्वका विकसित मुलुक मात्रै होइन, नेपालीहरु पनि केही डराएको र त्रसित रहेको बुझ्न सकिन्छ । क्वारेन्टाइन, सेल्फ क्वारेन्टाइन, आइसोलेसन, सेल्फ आइसोलेसन वार्ड जस्ता शब्दहरु धेरैले बुझेका छैनन् । 

अंग्रेजी शब्द ‘क्वारेन्टाइन’ ल्याटिन भाषाको ‘क्वारेन्टा जिओर्नो’ बाट आएको हो। जसको अर्थ ‘चालिस दिन’ भन्ने हुन्छ। चौधौं शताब्दीतिर इटालीको भेनिसमा आउने जहाज तथा मानिसहरुलाई ४० दिन अलग्गै राख्न्थ्यिो। समुद्री यात्राका क्रममा प्लेगजस्ता कुनै महामारीको संक्रमण भए/नभएको जाँच गरेर मात्रै उनीहरुलाई समुदायमा प्रवेश दिइन्थ्यो। अहिले सरुवा रोगको संक्रमण नफैलियोस् भनेर मानिसलाई अलग्गै राख्ने अभ्यासलाई ‘क्वारेन्टाइन’ का नामले चिनिन्छ।


सरुवा रोगमा शंकास्पद र पुष्टि भएका दुईथरी केस हुन्छन्। कसैलाई ज्वरो आयो, खोकी लाग्यो, श्वास फेर्न गाह्रो भयो त्यो शंकास्पद केस भयो। त्यही शंकालाई सरुवा रोग(अहिलेको सन्दर्भमा कोरोना भाइरस) हो कि होइन भन्ने थाहा पाउन परीक्षण गरिन्छ। परीक्षणमा रोग लागेको पुष्टि भयो भने त्यस्ता व्यक्तिलाई आइसोलेसन(अलग्गै) मा राखिन्छ। इपिडियोमोलोजीको सिद्धान्तअनुसार बिरामी मान्छेलाई साधारण मान्छेबाट अलग राख्ने प्रक्रिया नै आइसोलेसन हो। बिरामी मान्छेलाई अलग्गै नराखे यसले अरुमा पनि संक्रमण फैलाउने सम्भावना रहन्छ ।थोरैभन्दा थोरै क्षति होस् र चाडै नै संक्रमण रोकियोस् भनेर रोगी मान्छेलाई अलग्गै राखिन्छ।


सरुवा रोग लागेको पुष्टि भएका व्यक्तिको सम्पर्कमा आएका जतिलाई त्यो रोगको लक्षण देखिन्छ कि भनेर क्वारेन्टाइनमा राखिन्छ। बिरामीको सम्पर्कमा आएका सबैलाई क्वारेन्टाइनमा राखिन्छ। विश्व स्वास्थ्य संगठनले कोरोना भाइरसको लक्षण १४ दिनसम्म देखिन सक्ने भन्दै शंकास्पद व्यक्तिलाई १४ दिन क्वारेन्टाइनमा राख्न सुझाव दिएको छ। इपिडोमियोलोजीको सिद्धान्तमा रोग नियन्त्रण तथा रोकथामका लागि आइसोलेसन र क्वारेन्टाइन महत्वपूर्ण उपाय हुन्। प्रकाशित : चैत्र १, २०७६ १६:३८

प्रतिक्रिया
पठाउनुहोस्

माैसम परिवर्तनसँगै डेंगु देखियाे

कान्तिपुर संवाददाता

काठमाडौँ — मौसम परिवर्तनसँगै नेपालमा डेंगु रोग पनि देखिन थालेकाे छ। इपिडिमियाेलाेजी तथा राेग नियन्त्रण महाशाखाका अनुसार नेपालका विभिन्‍न अस्पतालहरुबाट सन् २०२० (जनवरीदेखि मार्च १३ सम्म)मा ३६ वटा डेंगुका बिरामी देखिएका छन् ।

कहाँ कति बिरामी?

प्रदेश नं. १ :६ जना(झापा - १, मोरङ -३, सुनसरी -२)

वाग्मती प्रदेश :९ जना (नुवाकोट -१, काठमाण्डौं -३, ललितपुर -३, रामेछाप -१, मकवानपुर -१)

गण्डकी प्रदेश: ५ जना (गोरखा -१, म्याग्दी -१, कास्की -२, नवलपरासी सुस्ता पूर्व -१)

प्रदेश नं. ५:१४ जना (नवलपरासी सुस्ता पश्चिम -१, रुपन्देही -११, कपिलवस्तु -१, बाँके -१)

सुदुरपश्चिम प्रदेश :२ जना (डडेलधुरा -१, कैलाली -१)

प्रकाशित : चैत्र १, २०७६ १६:३१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×