हत्यापछि आत्महत्या !

कान्तिपुर संवाददाता

काठमाडौँ — पूर्वसचिव अर्जुन कार्कीका घरेलु कामदारले उनकी पत्नी मुना कार्कीको ‘हत्या गरी आत्महत्या’ गरेका छन् । ललितपुर उपमहानगरपालिका–२, सानेपास्थित घरमा सोमबार बिहान कामदार विजय चौधरीले कार्कीको घाँटीमा डोरीले कसेर र टाउकामा पिर्काले हानेर हत्या गरी आत्महत्या गरेको प्रहरीको दाबी छ ।

प्रहरीका अनुसार घटनास्थल पुग्दा पूर्वसचिव कार्कीकी ४९ वर्षीया श्रीमती भान्साकोठामा रगताम्य अवस्था अचेत फेला परेकी थिइन् । कामदार दाङ, लमहीका २२ वर्षीय चौधरी भने घाँटीमा हरियो नाइलनको डोरी कसिएर मृत अवस्थामा फेला परेका थिए ।

प्रकाशित : माघ २८, २०७६ १२:११
प्रतिक्रिया
पठाउनुहोस्

पूर्वसचिव कार्कीकी पत्‍नीको घाँटी थिचेर हत्या भएको पुष्टि

कान्तिपुर संवाददाता

काठमाडौँ — पूर्वसचिव अर्जुन कार्कीकी पत्नी मुना कार्कीको घाँटी थिचेर हत्या गरिएको पुष्टि भएको छ । ललितपुर उपमहानगरपालिका–२, सानेपास्थित घरमा सोमबर बिहान अचेत अवस्थामा भेटिएकी कार्कीलाई उपचारका लागि स्टार अस्पताल पुर्‍याइए पनि अस्पतालले पहिले नै मृत्यु भइसकेको बताएको थियो ।

घटनाको अनुसन्धानमा संलग्न प्रहरी उच्च स्रोतका अनुसार कामदार विजय चौधरीको पनि झुण्डिएकै कारण मृत्यु भएको देखिएको छ ।

'पोस्टमार्टममा संलग्न चिकित्सकहरुका अनुसार कार्कीको मृत्युकाे कारण स्ट्रांगुलेसन (घाँटी थिचिएका कारण) हो । मृतकमा म्यासिभ हेड इन्जुरी देखिएको पनि मृत्युको कारण भने स्ट्रांगुलेसन नै हो,' उनले भने, 'यस्तै चौधरीको मृत्यु पनि झुण्डिएकै कारण भएको देखिएको छ ।'

यो पनि पढ्नुहोस् : हत्यापछि आत्महत्या !

महानगरीय प्रहरी परिसर ललितपुरले कार्कीको घाँटीमा डोरीले कसेर र टाउकामा पिर्काले हानेर हत्या गरी कामदार चौधरीले आत्महत्या गरेको यसअघि नै दाबी गर्दै आएको छ । प्रहरी स्रोतका अनुसार कार्कीको हत्या पछि चौधरीले आत्महत्या गरेको स्पष्ट भइसकेका कारण घटना हुनुको पछाडिको कारण पहिलाउने तर्फ अनुसन्धान केन्द्रित गरिएको छ ।




प्रकाशित : माघ २८, २०७६ १२:०९
पूरा पढ्नुहोस्
प्रतिक्रिया
पठाउनुहोस्
×