यसरी आउँछ हिमपहिरो [भिडियाे]

माघ २४, २०७६कान्तिपुर संवाददाता

काठमाडौँ — गत बुधबार बिहान करिब १० बजे अन्नपूर्ण दोस्रो हिमालबाट हिमपहिरो गयो । सुरुमा सानो देखिए पनि जति तल आयो त्यति ठूलो आकारमा फैलँदै थियो पहिरो ।

कास्की जिल्लाको मादी गाउँपालिकामा पर्ने कपुचे हिमतालसम्म ट्रेकिङ जाँदा यात्री रचना भट्टराईले यो भिडियो खिचेकी हुन् । हिमपहिरो जाँदा कपुचे ताल वरपर करिब १० जना नेपाली पर्यटक थिए । समयमै भाग्न सफल भएकाले उनीहरुलाई केही भएन । सबै सकुशल रहे । पोखराबाट कपुचे हिमतालसम्मको यो नयाँ ट्र्रेकिङ रुट हो । भ्रमण वर्षको संघारमा यो रुट पहिचान गरिएको थियो ।