सत्तासँग लड्दालड्दा थाकें म : निर्देशक भट्टराई [भिडियाे]

सत्तासँग लडेर थाकेका निर्देशक : 'युद्धमा गएझैं भयो, रुँदै हिँड्नुपर्‍यो'
रीना मोक्तान

काठमाडौँ — ९ महिना भयो, फिल्म 'दासढुङ्गा २'को निर्माण रोकिएको । चलचित्र बिकास बोर्डले निर्माण इजाजत नदिएपछि फिल्मको निर्माण अघि बढेन ।

ZenTravel

९ महिनामा शिशुको जन्म हुन्छ तर निर्देशक कुमार भट्टराईले निर्देशन गर्ने भनिएको फिल्म 'दासढुङ्गा २' जन्मिन सकेन। यो फिल्म बन्नुअघि नै प्रि-सेन्सरसिपको शिकार भयो।

हालै, कुमारले अब यो फिल्म नबनाउने घोषणा गरे।

'दासढुङ्गा २' निर्देशन गर्ने जोश जाँगर हराइसकेपछि उनले फिल्म निर्माण नगर्ने निर्णय लिएका हुन्।

'एउटा लामो समय युद्धमा गएझैं भयो। धेरै ठाउँमा धाउनु पर्‍यो। उस्तै परे रुँदै हिँड्नु पर्‍यो। यो लडाईँ म एक्लैले लडें। फिल्मसँग सम्बन्धित संस्थाले साथ दिएनन्। कोही फिल्मकर्मीले मेरो पक्षमा बोलिदिएन। मैले यो फिल्मबाट जति पीडा पाएँ नि, सबै एक्लैले सहें,' अनुहार निन्याउँरो पार्दै उनले सुनाए।

अब उनीसँग फिल्म बनाउने त्यो उर्जा छैन।

पढ्नुहाेस् फिचर :


प्रकाशित : माघ २०, २०७६ २१:१८
प्रतिक्रिया
पठाउनुहोस्
ADVERTISEMENT

आतंकवादसम्बन्धी कानुन कडा बनाउँदै बेलायत

एजेन्सी

लन्डन — बेलायतले आतंकवादसम्बन्धी कानुनलाई थप बलियो बनाउने भएको छ । लन्डनमा आइतबार एक आक्रमणकारीले छुरा प्रहार गरेर तीनजना घाइते बनाएपछि बेलायतले यस्तो घोषणा गरेको हो । सर्वसाधारणमाथि आक्रमण गर्ने सुदेश अम्मान नामका आक्रमणकारीको प्रहरी कारबाहीमा मृत्यु भइसकेको छ ।

सुदेश आतंकवादसम्बन्धी मुद्दामा आधा कैद भुक्तान गरेर एक साताअघि मात्रै रिहा भएका थिए । आतंकवादसम्बन्धी कागजात राखेको र त्यसलाई वितरण गरेको अभियोगमा सन् २०१८ मा उनलाई ३ वर्ष ४ महिना जेल सजाय तोकिएको थियो ।

कारागार सजाय भुक्तान गर्नेबित्तिकै पुनः आतंकवादी आक्रमणमा संलग्न भएको पाइएपछि बेलायती प्रधानमन्त्री बोरिस जोनसनले नयाँ नियम जारी गर्न लागेका हुन् । अब आतंकवादसम्बन्धी अभियोगमा जेल परेकालाई मुक्त गर्नेबारे कडा प्रक्रिया लागू हुनेछ । आतंकवादसम्बन्धी मुद्दामा सजाय खेपिरहेका अभियुक्तसँग गर्ने व्यवहारमा आधारभूत परिवर्तनबारे घोषणा गरिने प्रधानमन्त्री जोनसनले बताएका छन् ।

‘हामीले यसअघि नै तयारी गरिसकेको कानुनलाई अब घोषणा हुने नियमले कार्यान्वयनमा ल्याउनेछ,’ बेलायती गृहमन्त्री प्रीति पटेललाई उद्धृत गर्दै समाचार संस्था रोयटर्सले उल्लेख गरेको छ । आतंकवादी गतिविधिमा संलग्नलाई समयअगावै जेलबाट निकाल्न अन्त्य गर्नेबारेको नयाँ कानुन ल्याइने उनको भनाइ छ । ‘त्यस्ता व्यक्तिलाई जेलभित्रै राखिनु न्यायसंगत हुन्छ,’ पटेलले भनिन् ।

प्रकाशित : माघ २०, २०७६ २१:१३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
×