प्रधानमन्त्रीले सागमा पदक जित्ने खेलाडीलाई यसरी गरे नगद पुरस्कार घोषणा

कान्तिपुर संवाददाता

काठमाडौँ — १३ औं सागमा कास्य पदक जित्नेलाई सरकारले ३ लाख र रजत जित्नेलाई ६ लाख दिने भएको छ। स्वर्ण जित्ने प्रत्येक खेलाडीलाई ९ लाख रुपैयाँ दिने भएको छ । यो सागमा दुई वा दुई भन्दा बढी स्वर्ण जित्ने खेलाडीले जनही ११ लाखका दरले नगद पाउने छन् भने टिम गेममा जित्नेले ५–६ लाख पाउनेछन् । स्वर्ण जित्ने खेलाडीका प्रशिक्षकले पनि ५ लाख पाउनेछन् ।


बुधबार सागका पदक विजेता खेलाडीलाई बोलाएर प्रधानमन्त्री केपी ओलीले आफ्नै निवासमा यो घोषणा गरेका हुन् । मंगलबार सम्पन्न सागमा नेपालले ५१ स्वर्ण, ६० रजत र ९५ कास्य पदक जितेको छ।

प्रकाशित : मंसिर २५, २०७६ २१:१०
प्रतिक्रिया
पठाउनुहोस्

१६ वर्षीया ग्रेटा थनवर्ग बनिन् टाइमको वर्ष व्यक्ति

एजेन्सी

चर्चित जलवायु परिवर्तन अभियन्ता ग्रेटा थनवर्ग टाइम पत्रिकाले वर्ष व्यक्ति घोषणा गरेको छ ।

१६ वर्षीया यी स्विडिस बालिकाले जलवायु परिवर्तन र यसका असरबारे विश्वमा आवाज उठाउँदै आइरहेकी छन् ।
टाइमको इतिहासमा पहिलो पटक सबैभन्दा कम उमेरको व्यक्तिलाई वर्ष व्यक्ति घोषणा गरिएको हो । टाइमले सन् १९२७ देखि वर्ष व्यक्ति घोषणा गर्दै आएको छ ।

मेड्रिडमा जारी जलवायु परिवर्तन सम्बन्धिको अन्तर्राष्ट्रिय सम्मेलनमा ग्रेटाले अब आउने दशकले विश्वको भविष्य निर्धारण गर्ने बताएकी छन् ।

उनले गत वर्ष स्वीडेनको सांसद भवन अगाडि वातवरणीय मुद्दा उठाउँदै चर्चा आएकी थिइन् । उनको 'फ्राइडेज फर फ्यूचर' ट्वीटरमा चर्चित बनेको थियो ।

यो पनि पढ्नुहोस्ः

प्रकाशित : मंसिर २५, २०७६ २०:३६
पूरा पढ्नुहोस्
प्रतिक्रिया
पठाउनुहोस्
×