२१ वर्ष अँध्यारो संसार गुजारेपछि दृष्टी पाएका शिक्षकको कथा

जनकराज सापकाेटा

काठमाडौँ — सल्यान दमाचौरका ४५ वर्षीय नरहरी भनिने टोपप्रसाद शर्माको जीवन दुई भागमा बाँडिएको छ । जन्मजात दृष्टि गुमाएका नरहरीले २१ वर्षको उमेरमा प्रख्यात शल्यचिकित्सक सन्दुक रुइतले शल्यक्रिया गरेपछि दृष्टी पाए । उनको पुरानो जीवनमा अँध्यारो थियो, नयाँ जीवन रंगीन । पहिले दुःख र हैरानी थियो, अहिले खुशी र आत्मविश्वास । 

दृष्टि पाएपछि नरहरीको जिन्दगीको नापनक्सा फेरिएको छ। जिन्दगीको परिभाषा बदलिएको छ। उनी अहिले सल्यानकै दमाचौर आधारभूत विद्यालयमा प्राविको स्थायी शिक्षक भएर शिक्षाको उज्यालो बाँडिरहेका छन्।

रामोन म्यागसेसे पुरस्कार विजेता र हालैमात्र प्रधानमन्त्री केपी शर्मा ओलीको हातबाट राष्ट्रिय प्रतिभा पुरस्कार थापेका डाक्टर सन्दुक रुइतको जीवनी पुस्तक विमोचनमा उनी काठमाडौं आएका थिए। एक लाख बीस हजार भन्दा धेरैलाई अँध्यारोबाट उज्यालो संसारमा ल्याएका डाक्टर रुइत पनि फेरिएको नरहरीको जीवन देखेर औधी खुशी छन्।

प्रकाशित : आश्विन १४, २०७६ १२:१६
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

महराको विषयमा छलफल गर्न नेकपा सचिवालय बैठक बस्दै

कान्तिपुर संवाददाता

काठमाडौँ — यौन दुर्व्यवहारको आरोप लागेका सभामुख कृष्णबहादुर महराको विषयमा छलफल गर्न नेकपा सचिवालयको बैठक बसिरहेको छ । मंगलबार बिहान प्रधानमन्त्री निवास बालुवाटारमा महराको विषयमाथि छलफल भइरहेको छ । स्रोतकाअनुसार महरालाई सभामुखबाट राजीनामा दिलाउने विषयमा छलफल भइरहेको छ । 

बैठकमा प्रधानमन्त्री केपीशर्मा ओली, अध्यक्ष पुष्पकमल दाहाल, झलनाथ खनाल, माधव नेपाल, इश्वर पोखरेल, विष्णु पौडेल, रामबहादुर थापालगायतका सचिवालय सदस्य छन्।

महरामाथि संसद् सचिवालयमा कार्यरत एक महिलाले यौन दुर्व्यवहार गरेको आरोप लगाएकी थिइन्। सचिवालयमा कार्यरत ती महिला कर्मचारीले आइतबार राति आफ्नै निवासमा आएर सभामुख महराले आफूमाथि यौन दुर्व्यवहार गरेको आरोप लगाएकी थिइन् ।

आफूलाई दुर्व्यवहार गरेको घटनाबारे प्रहरीलाई जानकारी गराएपछि सभामुख महरा निवासबाट बाहिरिएको उनको भनाइ छ । त्यसकै आधारमा सोमबार साँझ अनलाइनहरूमा समाचार आएपछि सभामुख महराका प्रेस सल्लाहकार डिल्ली मल्लले राति विज्ञप्ति जारी गरी खण्डन गरेका थिए । अनलाइन सञ्चारमाध्यमले सम्प्रेषण गरेका समाचार भ्रामक रहेको उनको दाबी छ ।

प्रकाशित : आश्विन १४, २०७६ ११:३९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT