दुर्गमतर्फ मोडियो बुद्ध

सुरज कुँवर

काठमाडौँ — बुद्ध एयरले पोखराबाट जेट विमानमार्फत अन्तर्राष्ट्रिय उडान भर्ने योजना स्थगन गरेको छ । त्यस्तै मध्य जेठदेखि ७० सिट भएको एटीआर विमानबाट बुद्ध एअरले थालेको काठमाडौं–कोलकाता–काठमाडौं उडान पनि केही महिनामै बन्द गर्ने भएको छ । 

१७ वर्षदेखि नाफा आर्जन गर्दै आएको २२ वर्ष पुरानो बुद्ध एयरको अबको यात्रा नेपालका हिमाली र पहाडी भूभाग साना विमास्थलतर्फ डाइभर्ट गर्ने भएको छ ।

‘सन् २०२० भित्र हामी अर्को सहायक कम्पनी स्थापना गरेर हिमाली र उच्च पहाडी भेगतर्फ सेवा विस्तार गर्दै छौं,’ बुद्धका प्रबन्ध निर्देशक वीरेन्द्रबहादुर बस्नेतले भने, ‘एक वर्षभित्र अमेरिकी सेस्ना स्काई कुरियर विमान खरिद गरेर उच्च हिमाली तथा पहाडी भेगमा उडान थाल्ने छौं ।’ ती अमेरिकी विमानबाट पहिलो चरणमा काठमाडौंबाट रुम्जाटार, भोजपुर, ताप्लेजुङ, लुक्ला र पश्चिममा पोखरा, जोमसोम र गुल्मी उडान हुनेछन् ।

प्रकाशित : भाद्र २३, २०७६ १२:४१
प्रतिक्रिया
पठाउनुहोस्

त्रिभुवन विमानस्थलबाट १ किलो ४ सय ग्राम सुन बरामद 

कान्तिपुर संवाददाता

काठमाडौँ — त्रिभुवन अन्तराष्ट्रिय विमानस्थलबाट १ किलो ४ सय ग्राम सुन बरामद भएको छ । सोमबार दिउँसो कतारबाट आएका एक यात्रुबाट विमानस्थल भन्सार कार्यालयले उक्त सुन बरामद गरेको हो । 

त्रिभुवन अन्तर्राष्ट्रिय विमानस्थल । तस्बिर : कान्तिपुर

बरामद सुन बारे थप विवरण आउन बाँकी छ ।


प्रकाशित : भाद्र २३, २०७६ १२:३०
पूरा पढ्नुहोस्
प्रतिक्रिया
पठाउनुहोस्