हेर्नुहोस् मनाङ जोड्ने पुल बगाउँदा यात्रुलाई यस्तो सास्ती
लमजुङ — हिमाली जिल्ला मनाङ जोड्ने म्यार्दीखोलाको बेलब्रिज बाढीले बगाएको २ महिनापछि बल्ल निर्माणको काम थालिएको छ । पुलको बीच भागमा ढलानको काम थालिए पनि पटक–पटकको पहिरोले अन्य निर्माण सामग्री भने लैजान सकिएको छैन ।
मनाङतर्फको भागमा पहिरो आउनुका साथै सिरानतालको पहिरोले ढलान कार्यसमेत प्रभावित भएको छ । गिटी र बालुवा तालमा राखिएको छ । बेलिब्रिजका सामान आए पनि जडान कार्यमा प्रयोग हुने औजार सिरानतालको पहिरोका कारण धारापानीमा राखिएको छ । पुल निर्माण कार्य कछुवा गतिमा भइरहेको स्थानीयले बताएका छन् ।
प्रकाशित : भाद्र ११, २०७६ ११:५४