दाहालले भने, 'नेकपाको सरकार ५ वर्षसम्म, ओलीजी समझदारी अनुसार चल्नुहुन्छ'

कान्तिपुर संवाददाता

जनकपुर — नेकपाका अध्यक्ष पुष्पकमल दाहालले नेकपाको सरकार ५ वर्षसम्म रहने दाबी गर्दै प्रधानमन्त्री केपी शर्मा ओलीले ‘समझदारी’ अनुसार चल्नुपर्ने बताएका छन् । उनले समझदारीको आशय भने खुलाएनन् ।

‘नेकपाको सरकार ५ वर्षसम्म रहन्छ। यसमा कुनै दुविधा नै छैन,’ सोमबार जनकपुर विमानस्थलमा संवाददाताहरुसित कुरा गर्दै नेकपाका अध्यक्ष दाहालले भने, ‘सरकार पनि ५ वर्ष जान्छ। ओलीजी पनि समझदारीअनुसार चल्नुहुन्छ।’

प्रकाशित : भाद्र २, २०७६ १६:०८
प्रतिक्रिया
पठाउनुहोस्

फुसको छानो हटाउन जस्ता वितरण

रमेशचन्द्र अधिकारी

धनकुटा — धनकुटा नगरपालिकाले नगर क्षेत्रमा फुसको छानो मुक्त गर्ने अभियान अन्तर्गत सोमबार १ करोड १४ लाख रुपैयाँ बराबरको रंगीन जस्ता पाता निःशुल्क रुपमा वितरण गरेको छ ।

१० वटा वडा रहेको नगरका सबै वडाका २ सय १ घरका लागि जस्ता वितरण गरिएको नगर प्रमुख चिन्तन तामाङले जानकारी दिए । आवास सहुलियत साझेदारी कार्यक्रम अन्तर्गत जस्ता पाता वितरण गरिएको उनले बताए । नगरपालिकाले सबैभन्दा बढी वडा नम्बर ८ मा ६२ र वडा नम्बर ६ मा ८ घरमा जस्ता वितरण गरिएको जनाएको छ । सोमबार कुल ७ हजार ५ सय जस्ता वितरण गरिएको छ ।

अघिल्लो वर्ष पनि नगर क्षेत्रका ६८ घरमा ५२ लाखको जस्ता पाता वितरण गरिएको थियो । गत वर्ष ३ हजार ६ सय ११ थान वितरण गरिएको थियो ।

नगरपालिकाले जस्ता पाता वितरण गर्ने र सम्बन्धित व्यक्तिले छानो छाउने कार्यमा खर्च गर्नुपर्ने भएकोले साझेदारी अवधारणा बनाइएको इन्जिनियर मिङ्मा शेर्पाले बताए ।

प्रकाशित : भाद्र २, २०७६ १६:०३
पूरा पढ्नुहोस्
प्रतिक्रिया
पठाउनुहोस्