एसईईको प्रश्नपत्र आउट प्ररकरणका आरोपीहरु सार्वजनिक 

अवधेशकुमार झा

राजविराज — एसईई परीक्षको प्रश्नपत्र आउट गर्ने कार्यमा संलग्न दुई प्रहरी, एक शिक्षकसहित ६ जना आरोपीलाई सार्वजनिक गरिएको छ । केन्द्रीय अनुसन्धान ब्यूरोले उनीहरुलाई बिहीबार जिल्ला प्रहरी कार्यालय सप्तरीमा पत्रकार सम्मेलन गरी सार्वजनिक गरेको हो ।

सिआइबीका प्रमुख डीआईजी निरजबहादुर शाहीका अनुसार अभियुक्तहरुमा राजविराज नगरपालिका-१० का २८ वर्षीय विश्वुदेव यादव, २२ वर्षीय ब्रह्मदेव सुनरैत, सोही नगरपालिका-१६ का २८ वर्षीय मनोज यादव, हनुमाननगर कंकालिनी नगरपालिका १ का १७ वर्षीय राजेश यादव, १७ वर्षीय उमेश यादव र कञ्चनरुप नगरपालिका ६ का २५ वर्षीय दिपेन्द्रकुमार मण्डल रहेका छन्।
सार्वजनिक गरिएका ब्रह्मदेव र दिपेन्द्र प्रहरी हुन् भने मनोज शिक्षक हुन्। राजेश, उमेश परीक्षार्थी हुन्।

प्रदेश २ को १४ र १५ गतेको विज्ञान र सामाजिक विषयको प्रश्नपत्र बाहिरिएपछि परीक्षा स्थगित गरिएको थियो।
त्यसपछि सीआईबीले छानबिन टोली पठायो। त्यही टोलीमार्फत् उनीहरुलाई पक्राउ गरिएको थियो।
प्रतिक्रिया
पठाउनुहोस्

विमानस्थलबाट तीन करोड बराबरको सुनसहित चार भारतीय पक्राउ

जनकराज सापकोटा

काठमाडौँ — थाईल्यान्डबाट काठमाडौं विमानस्थल ओर्लेका चार भारतीय नागरिकबाट प्रहरीले अवैध सुन बरामद गरेको छ । बबिता गर्ग, सरिता जैन, जपिन जैत र सुनिताको साथबाट ५ किलो ८ सय १४ ग्राम सुन जफत गरेको विमानस्थल प्रहरीले जनायो ।

अन्तर्राष्ट्रिय विमानस्थल सुरक्षा कार्यालय अपराध अनुसन्धान शाखाका अनुसार बाला र सिक्री गरी २६ थान बरामद भएको छ ।ती बरामद सुन बजार मूल्य २ करोड ९ लाख ८ हजार १ सय ९७ को रहेको छ ।


प्रकाशित : चैत्र २१, २०७५ १९:१८
पूरा पढ्नुहोस्
प्रतिक्रिया
पठाउनुहोस्