काठमाडौँ — अर्बपति प्रविधि व्यवसायी इलन मस्कले ट्विटरको लोगो परिवर्तन गरेका छन् । यसअघि लोगोको रुपमा रहेको ‘निलो चरा’ (ब्लु बर्ड) लाई परिवर्तन गरी उनले अहिले डोजकोइन क्रिप्टोकरेन्सीमा प्रयोग हुने आइकन डोज (कुकर)लाई ट्विटरको लोगो बनाएका हुन् ।
लोगो परिवर्तन भएपछि सोमबार विभिन्न ट्विटर युजरहरूले यसबारे आ-आफ्ना धारणा राखेका थिए । लोगो परिवर्तन भएको केही समयपछि ट्विटरका सीईओसमेत रहेका मस्कले ट्विटरमा रहेको निलो चरो अब पुरानो भइसकेको भन्ने सन्देश दिनेखालको मिम पोस्ट गरेका थिए ।
अझै पनि केही मोबाइल डिभाइसमा भने ट्विटरको लोगोमा निलो चरो नै देखिइरहेको छ । ट्विटरको लोगोको रुपमा डोजकोइनको आइकन आएसँगै डोजकोइनको सेयर भ्यालु २० प्रतिशतले बढेको छ । अहिले डोजकोइनको भ्यालु ०.०७९ डलरबाट ०.०९४ डलर पुगेको अन्तर्राष्ट्रिय समाचार संस्था गार्जियनले उल्लेख गरेको छ ।
मिमको रुपमा पनि प्रयोग हुँदै उक्त आइकन अब ट्विटरको लोगो बनेको छ । परिवर्तन भएको ट्विटरको लोगो ‘डोज’ सन् २०१३ मा बिटकोइनलगायत क्रिप्टोकरेन्सीलाई जिस्काउनका लागि निर्माण गरिएको थियो ।
केही समयअघि ४४ बिलियन डलरमा ट्विटर खरिद गरेका मस्कले आफू डोज मिमको ठूलो फ्यान भएको बताउँदै आएका छन् ।
मस्कले लोगो परिवर्तनको कारणबारे भने खुलाएका छैनन् । कतिपयले भने अप्रिल फूल मनाएको भनी टिप्पणीसमेत गरेका थिए ।
प्रकाशित : चैत्र २१, २०७९ १०:४३
खेलाडी उत्पादनको मुख्य आधार विद्यालय रहे पनि पालिकाले खेल क्षेत्रलाई प्राथमिकता तथा खेल पूर्वाधार निर्माणमा कुनै चासो नदिँदा यस्तो समस्या आएको हो । खेलकुदका गतिविधि सञ्चालनका लागि उपयुक्त खेल मैदान आवश्यक पर्ने भए पनि खेल मैदानबिना नै प्रतियोगिता सञ्चालन भइरहेका छन् ।
पढाइसँगै खेलकुद पनि महत्त्वपूर्ण रहेकाले स्थानीय सरकारले खेल क्षेत्रमा लगानी बढाउन जरुरी रहेको स्थानीयको भनाइ छ । खेलकुदका लागि पालिकाले खेल पूर्वाधारका साथै खेल, खेल शिक्षक र प्रशिक्षण पनि थप्न आवश्यक रहेको शंकर माध्यमिक विद्यालय थालीका प्रधानाध्यापक वृष छत्यालले बताए ।
खेलमैदान अभावमा सडकमा दौड प्रतियोगिता र खेतमा भलिबल प्रतियोगिता सञ्चालन गर्नुपर्ने बाध्यता हामीकहाँ रहेको छ । अब निकट भविष्यमै खार्पुनाथ गाउँपालिकामा पालिकास्तरीय खेलमैदान निर्माण गरी खेल खेलाउने गाउँपालिकाको उद्देश्य रहेको कार्यवाहक अध्यक्ष भरतजंग शाहीले बताए ।
