कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १३४

वैज्ञानिक राउत योजना आयोगको सदस्यमा नियुक्त

काठमाडौँ — च्याउ वैज्ञानिक डा. जयकान्त राउत राष्ट्रिय योजना आयोगको सदस्यमा नियुक्त भएका छन् । मन्त्रिपरिषद्को बैठकले उनलाई योजना आयोगको सदस्यमा नियुक्त गरेको हो ।

वैज्ञानिक राउत योजना आयोगको सदस्यमा नियुक्त

राउतले बिहीबार पद तथा गोपनीयताको शपथ लिएर कार्यभार सम्हालेका छन् । डाक्टर राउतले ललितपुरको फुल्चोकीबाट संसारकै लागि नयाँ प्रजातिको च्याउ पत्ता लगाएका थिए ।

उनले नास्टको फेकल्टी अफ साइन्सको बायोलोजिकल रिसर्च युनिटमा रहेर नेपालमा पाइने ढुसीलाई एकीकृत गरेर जानकारी दिने उद्देश्यले पहिलो पटक ढुसीकाे डेटाबेस निर्माणको काम गरेका थिए । नास्टमा रहँदा उनले उक्त डेटाबेस ७० प्रतिशत काम सम्पन्न गरेका थिए ।

नास्टमा वरिष्ठ वैज्ञानिक अधिकृतबाट राजीनामा दिएर डाक्टर राउत राजनीतिमा होमिएका थिए ।गत प्रतिनिधिसभा चुनावमा उनले जनमत पार्टीबाट सप्तरी क्षेत्र नम्बर १ बाट उम्मेदवारी दिएका थिए । राउतले १९ हजार ९९६ मत ल्याउँदै समाजवादी पार्टीका नबलकिशोर साहसँग पराजित भएका थिए ।

जनमत पार्टीका अध्यक्ष सीके राउतका आफ्नै दाजु जयकान्त राउतले योजनामा हुँदा आफूले विज्ञान, प्रविधि र कृषि क्षेत्रको विषय उठान गर्ने प्रतिक्रिया दिएका छन् ।

सरकारले राष्ट्रिय योजना आयोगमा विभिन्न विषयगत क्षेत्रका विज्ञहरूलाई ल्याएर नियुक्ति गर्ने गर्छ । आयोगमा विभिन्न क्षेत्रबाट ६ जना सदस्यलाई प्रधानमन्त्रीले नियुक्त गर्ने व्यवस्था छ ।

प्रकाशित : माघ २६, २०७९ १४:२२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?