भारतमा पहिलो पटक निजी क्षेत्रबाट रकेट प्रक्षेपण- विज्ञान र प्रविधि - कान्तिपुर समाचार

भारतमा पहिलो पटक निजी क्षेत्रबाट रकेट प्रक्षेपण

कान्तिपुर संवाददाता

काठमाडौँ — भारतमा पहिलो पटक निजी अन्तरिक्ष कम्पनीले रकेट प्रक्षेपण गरेको छ । भारतको हैदराबादस्थित अन्तरिक्ष कम्पनी स्काइरूट एरोस्पेसले निर्माण गरेको 'विक्रम-एस' रकेट शुक्रबार प्रक्षेपण गरिएको हो । भारतीय अन्तरिक्ष कार्यक्रमका पिता बनेर चिनिने विक्रम साराभाईको नाममा यो रकेटको नामकरण गरिएको निर्माणकर्ताहरूले जनाएका छन् ।

भारतीय अन्तरिक्ष संस्था (इस्‍रो)को चेन्नाईस्थित प्रक्षेपण केन्द्रबाट रकेट लन्च गरिएको थियो । ५ सय ५५ केजी तौल भएको उक्त रकेट ८९.५ किलोमिटरको उचाइसम्म पुगेर खसेको थियो । यो उचाइ पृथ्वीको कर्मान रेखाभन्दा कम हो । पृथ्वीको कर्मान रेखा सय किलोमिटर माथि छ जसले पृथ्वी र अन्तरिक्षलाई छुट्याउँछ ।

निजी स्तरबाट गरिएको रकेट प्रक्षेपण इस्‍रोले लाइभ प्रसारण गरेको थियो । प्रक्षेपण भएपछि उक्त रकेट ५ मिनेटपछि बंगालको खाडीमा खसेको भारतीय सञ्चारमाध्यमहरूले जनाएका छन् ।

'मिसन प्रारम्भ' दिइएको उक्त रकेटको सिंगल स्टेज,सोलिड फ्युल रकेट हो । यो रकेटमा कार्बन मिश्रित संरचना र थ्रिडी कम्पोनेन्टको प्रयोग भएको स्काइरूट एरोस्पेसले जनाएको छ ।

थ्रिडी प्रिन्टिङमार्फत उक्त कम्पनीले स्याटेलाइट प्रक्षेपण गर्दा प्रयोग हुने रकेटको निर्माण खर्च ९० प्रतिशतले घटाउने लक्ष्य राखेको थियो । सो कम्पनीले अर्को वर्षदेखि स्याटेलाइट बोकेर रकेटहरु प्रक्षेपण गर्ने योजना छ ।

सन् २०१४मा मंगलयान अर्बाइटर लन्च गरेपछि भारत मंगल ग्रहमा पुग्ने पहिलो एसियाली मुलुक हो । अमेरिकाले अर्बौं डलर खर्चर मंगल ग्रहमा पुगेको थियो भारतले ७४ मिलियन डलरमा 'मंगलयान मिसन' सम्पन्न गरेको थियो ।

इस्‍रोले अघिल्लो महिनामा मात्रै पृथ्वीको तल्लो कक्षमा ३६ वटा स्टेलाइटहरुको सफल प्रक्षेपण गरेको थियो ।

प्रकाशित : मंसिर ३, २०७९ १५:३५
प्रतिक्रिया
पठाउनुहोस्

यसरी तयार पारिँदैछ मतदान केन्द्र

तस्बिर : सन्जोग मानन्धर

काठमाडौँ — आइतबार हुने प्रतिनिधिसभा र प्रदेशसभा निर्वाचनका लागि देशभर १० हजार ८९२ मतदान स्थल र २२ हजार २२७ वटा मतदान केन्द्र तोकिएको छ। यसका लागि निर्वाचन कर्मचारीहरू मतदानको अघिल्लो दिन शनिबार दिनभर मतदान केन्द्र निर्माण गर्नुका साथै अन्य तयारी गरिरहेका छन् ।

सहज रुपमा मतदातान गर्ने वातावरण मिलाउन देशभर कर्मचारीहरू केही दिन अघिदेखि नै तयारीमा जुटेका हुन् छन् । यसैबीच, काठमाडौंको बसन्तपुर दरबार स्क्वायर, बागबजारको पद्मकन्या क्याम्पस र बालमिकी क्याम्पसलाई पनि सरकारले मतदान केन्द्रको रुपमा तोकेको छ । कर्मचारीहरूले भने शनिबार ती स्थानमा बुथ निर्माणको काम गरिरहेका छन् । साथै उनीहरूले मतदान केन्द्रको सुरक्षाको क्षेत्रमा पनि काम गरिरहेका छन् । अघिल्ला निर्वाचनमा पनि बसन्तपुर क्षेत्र, पद्मकन्या क्याम्पस र बालमिकी क्याम्पसलाई मतदान केन्द्र तोकिएको रुपमा तोकिएको थियो ।


प्रकाशित : मंसिर ३, २०७९ १५:२३
पूरा पढ्नुहोस्
प्रतिक्रिया
पठाउनुहोस्
×