शिक्षामा विज्ञान प्रविधिलाई अनिवार्य जोडौैं : थापा- विज्ञान र प्रविधि - कान्तिपुर समाचार

शिक्षामा विज्ञान प्रविधिलाई अनिवार्य जोडौैं : थापा

कान्तिपुर संवाददाता

काठमाडौँ — नेपाली कांग्रेसका महामन्त्री गगन थापाले नेपालमा विज्ञान प्रविधिले ठूलो फड्को मारेकाले  शिक्षाका सबै क्षेत्रमा यसलाई जोडेर व्यावहारिक ज्ञान दिंदै जानुपर्ने बताएका छन् ।

आदिम नेसनल कलेजले आयोजना गरेको ‘साइन्स एन्ड आइटी एक्जिबिसन’मा सहभागी हुँदै थापाले नेपालका हरेक शैक्षिक संस्थाहरूले पाठ्यक्रम पठनपाठनका साथै व्यवहारिक ज्ञानमा समेत जोड दिनुपर्ने बताए ।

प्रदर्शनीमा कलेजमा अध्ययनरत कक्षा ११ र १२ का ७० जना विद्यार्थीहरूले बनाएका गरेका ड्रोन टेक्नोलोजी, स्मार्ट सिटी, ब्लुटुथ प्रविधि, स्मार्ट डस्टबिन, अटोमेटिक सडक बत्ती, पुलिस लाइट तथा साइरनलगायत सामग्री प्रदर्शनमा राखिएको छ । तल्लो तहका विद्यार्थीले यस्ता आविष्कार गर्न सकेको उल्लेख गर्दै उनले दक्ष र सृजनशील जनशक्ति उत्पादन गर्नु सबैको दायित्व भएको बताए ।

राष्ट्रिय आविष्कार केन्द्रका संस्थापक महाबीर पुनले युवाहरू देश निर्माणको खम्बा भएकाले अहिलेदेखि नै बलियो बनाउन जरुरी रहेको बताए । स्कुल कलेजको सिकाइ जुन गति र तरिकाले अगाडि बढ्दैछ त्यसमा परिवर्तन ल्याउन आवश्यक भएको उनले उल्लेख गरे ।

प्रकाशित : चैत्र १४, २०७८ १४:४९
प्रतिक्रिया
पठाउनुहोस्

पाथीभरा दर्शनका क्रममा ढलेर एक जनाको मृत्यु

आनन्द गौतम

ताप्लेजुङ — पाथीभरा दर्शनका क्रममा सुनसरीको इटहरी नगरपालिका–९ का खिनबहादुर ढुंगानाको मृत्यु भएको छ । जिल्ला प्रहरी कार्यालयका प्रहरी प्रवक्ता प्रहरी निरीक्षक कैलाशकुमार अधिकारीका अनुसार ६० वर्षीय ढुंगाना मन्दिर परिक्रमा गर्ने क्रममा ढलेका थिए । 

प्राथमिक उपचार केन्द्र माथिल्लो फेदीबाट गएका स्वास्थ्यकर्मी उमानाथ पौडेलका अनुसार ढुंगानालाई प्रारम्भिक उपचार गरी थप उपचारका लागि जिल्ला अस्पताल ताप्लेजुङ ल्याइएको थियो । अस्पतालका चिकित्सिकले उनलाई मृत घोषणा गरेको र उनको शव शव गृहमा राखिएको अधिकारीले बताए ।

३ हजार ७ सय ९४ मिटर उचाइमा रहेको पाथीभरामा उकालो जानेक्रममा लेक लागेको हुनसक्ने चिकित्सको अनुमान छ । ढुंगाना परिवारसहित पाथीभरा दर्शनमा आएका थिए । आइतबार माथिल्लो फेदीमा बसेर सोमबार बिहान उनी मन्दिर दर्शनका लागि गएका थिए ।

प्रकाशित : चैत्र १४, २०७८ १४:४७
पूरा पढ्नुहोस्
प्रतिक्रिया
पठाउनुहोस्
×