स्याटनर बने अन्तरिक्ष पुग्‍ने जेष्ठ सदस्य- विज्ञान र प्रविधि - कान्तिपुर समाचार
कान्तिपुर वेबसाईट
AdvertisementAdvertisement

स्याटनर बने अन्तरिक्ष पुग्‍ने जेष्ठ सदस्य

कान्तिपुर संवाददाता

काठमाडौँ — क्यानेडियन अभिनेता विलियम स्याटनर अन्तरिक्षमा पुग्ने संसारकै जेष्ठ सदस्य बनेका छन् ।

स्टार ट्रेकद्वारा निर्मित विभिन्न चलचित्र तथा सेरिजहरूमा अभिनय गरेका यी ९० वर्षीय ब्लु ओरिजिन स्पेस कम्पनीको सब अर्बाइटल क्याप्सुल मार्फत अन्तरिक्ष पुगेका थिए । उनको टोलीमा ४ जना सदस्य थियो । त्यहाँको स्थानीय बिहान १० बजे उनीहरु पृथ्वीमा सकुशल फर्किएका छन् ।

तौल विहीनताको अनुभव लिनका लागि अन्तरिक्ष यात्रामा गएको अन्तर्राष्ट्रिय सञ्चारमाध्यमहरूले जनाएका छन् । १ सय किलोमिटर उचाइमा पुगेर उनीहरू फर्किएका थिए । क्याप्सुलको झ्यालबाट उनीहरुले पृथ्वीको वक्रता(कर्भेचर) समेत हेरेका थिए ।

स्याटनरसँगै अन्तरिक्षमा जानेहरूमा ब्लु अरोजिन कम्पनीका उप निर्देशक एड्रू पावर्स, अर्थ इमेजिङ स्याटेलाइट कम्पनी प्लानेटका सह-संस्थापक क्रिस बोस्यूजेन र फ्रेन्स हेल्थकेयर सफ्टवेयर कर्पोरेशन डसाल्ट सिस्टमका प्रशासक ग्लेन डि भेरिज थिए ।

उनीहरुलाई केही दिनको तालिम दिएर अन्तरिक्ष यात्रामा पठाइएको थियो ।

यसअघि गत जुलाई २०मा ८२ वर्षीय वाली फन्कले अन्तरिक्षमा पुग्ने सबैभन्दा जेष्ठ नागरिक भएकी थिइन् । उनको उक्त टोलीमा एमाजोनका संस्थापक जेफ बेजोस पनि सहभागी थिए ।

प्रकाशित : आश्विन २७, २०७८ २२:११
प्रतिक्रिया
पठाउनुहोस्

पालिका स्तरीय भलिबलको उपाधि उर्लावारीलाई

कान्तिपुर संवाददाता

मोरङ — प्रदेश नम्बर १ पालिका स्तरीय भलिबल कपको उपाधि मोरङको उर्लावारी नगरपालिकाले जितेको छ । जितसँगै उर्लावारीले नगद २० हजारसहित ट्रफि,मेडल र प्रमाणपत्र पाएको छ ।

असोज २४ देखि २६ सम्म सञ्चालन भएको उक्त प्रतियोगितामा उर्लावारीले आयोजक पथरीशनिश्चरे नगरपालिकालाई हराउँदै विजयी भएको उर्लावारी भलिबलका व्यवस्थापक एवं जनप्रतिनिधि भिष्म बुढाथोकीले जानकारी दिए । उर्लावारीले पथरीलाई २५-१६ र २५-१८मा हराएको थियो ।

दसैं लक्षित आयोजना गरिएको उक्त प्रतियोगितामा प्रदेश नम्बर १ मा विभिन्न १७ वटा पालिकाहरुले सहभागिता जनाएका थिए ।

यसैबीच, भलिवल विजेता उर्लाबारीका खेलाडीहरुलाई स्थानीय योसेक क्लबले बुधबार सम्मान गरेको छ । प्रदेशभर नगरपालिकाको नाम राखेको भन्दै क्लबले सम्मान गरेको हो । वडा नम्बर ३ का वडाध्यक्ष गञ्जबहादुर कार्की,क्लबकी सचिव बानु सुब्बा, क्बलका पूर्व सचिव दिनेश लिम्बू सामाजिक अगुवा रुद्रबहादुर तामाङलगायतका युवा खेलाडीहरुलाई दोसल्ला ओढाएर सम्मान गरेका थिए ।

उनीहरुले फुटबलबाट उर्लावारीले धेरै खेलाडीहरु उत्पादन गरिसकेको र आगामी दिनहरुमा भलिबलतर्फ पनि राष्ट्रिय स्तरको प्रतियोगिता जित्नुपर्नेमा जोड दिएका थिए ।

उर्लावारी भलिबलले यसअघिका प्रदेश स्तरीय अन्य प्रतियोगितामा पनि विजयी भएको बुढाथोकीले जानकारी दिए ।

प्रकाशित : आश्विन २७, २०७८ २१:५८
पूरा पढ्नुहोस्
प्रतिक्रिया
पठाउनुहोस्
×