आईफोन-१३ सार्वजनिक- विज्ञान र प्रविधि - कान्तिपुर समाचार
कान्तिपुर वेबसाईट
AdvertisementAdvertisement

आईफोन-१३ सार्वजनिक

कान्तिपुर संवाददाता

काठमाडौँ — अमेरिकी कम्पनी एप्पलले मंगलबार आइफोन-१३ सिरिजका फोनहरू सार्वजनिक गरेको छ । एप्पलले मंगलबार क्यालिफोर्नियामा आयोजित कार्यक्रमकाबीच आइफोन-१३ का विभिन्न सिरिजका फोनहरु सार्वजनिक गरेको हो ।

आईफोनका यी मोडलमा क्यामेरालाई अझ परिस्कृत बनाइएको छ । यसमा ए १५ बायोनिक चिपको प्रयोग गरिएको छ ।

आईफोन-१३ को ब्याट्री अन्य मोडलहरुभन्दा धेरै समय टिक्ने कम्पनीले दाबी गरेको छ । आईफोन १३ मिनीको ब्याट्री लाइफ १७ घन्टा, १३ को १९ घन्टा, १३ प्रोको २२ घन्टा र १३ प्रो म्याक्सको २८ घन्टासम्म रहेको कम्पनीले जनाएको छ ।

यो मोडलमा १२० हर्ज प्रमोसन डिस्प्लेका साथै क्यामेरा सिस्टम सबै नयाँ राखिएको छ । यी मोडलमा अल्ट्रा वाइड लेन्स र ३ एक्स अप्टिकल जुम छ । यस्तै, म्याक्रो फोटोग्राफीमा पनि यसमा राखिएको छ । यो फोन विभिन्न ५ वटा रंगमा उपलब्ध छ ।

आईफोन १३ मा अन्य मोडलहरूको तुलनामा केही ठूलो ब्याट्री राखिएको छ । यो मोडलमा सुपर रेटिना एक्सडीआर डिस्पले छ । यसले १ हजार निट्स सम्मको आउटडोर ब्राइटनेस दिन्छ ।

यी मोडलका आईफोन १२८,२५६ र ५१२ जीबीमा उपलब्ध छन् । आईफोन १३ मिनी र १३मा २ एक्स अप्टिकल जुम र १३ प्रो र १३ प्रो म्याक्समा ३एक्स अप्टिकल जुम छ । यो मोडलका आईफोनको अगाडिको क्यारमा १२ एमपी क्यामेरा छन ।

यो फोनहरु सेप्टेम्बर २४ देखि रिलिज हुने छन् । अमेरिका र यूकेमा भने १७ सेप्टेम्बरदेखि प्रि-अर्डर गर्न सकिने कम्पनीले जनाएको छ ।

आईफोन १३ मिनीको मूल्य ६९९ डलर, १३ को ७९९ डलर, १३ प्रोको ९९९ डलर र १३ प्रो म्याक्सको १०९९ डलरबाट सुरु गरिएको छ ।

प्रकाशित : भाद्र ३०, २०७८ १६:२१
प्रतिक्रिया
पठाउनुहोस्

मकवानपुरमा पाहा मार्न गएका दुई युवाको डुबेर मृत्यु

प्रताप विष्ट

हेटौंडा — पाहा मार्न गएका दुई युवाको खोलामा डुबेर मृत्यु भएको छ । मकवानपुरको भीमफेदी गाउँपालिका-५ सुपिङका २२ वर्षीय नविन दोङ र २० वर्षीय राजन दोङको मंगलबार राति धुन्धुरे खोलामा पाहा मार्न जाँदा डुबेर मृत्यु भएको हो ।

धुन्धुरे खोलाको खोचमा राति पाहा मार्न गएका दोङद्वय ढुंगामा चिप्लिएर खोलामा डुबेर मृत्यु भएको जिल्ला प्रहरी कार्यालय हेटौंडाका प्रवक्ता एव प्रहरी नायव उपरीक्षक जयश्वर रिमालले बताए । उनीहरु विगत केही दिनदेखि उक्त खोलामा राति पाहा मार्दै आएका थिए ।

पाहालाई खोलाको किनारमा टर्च लाइटको उज्यालो देखाएर समात्ने गरिन्छ । उज्यालो देखाउने क्रममा ढुंगाबाट चिप्लिएर गहिरो खोलामा परेर उनीहरुको मृत्यु भएको प्रहरीले जनाएको छ । पाहा मार्न गएकाहरु बुधबार बिहानसम्म घर नफर्केपछि खोजतलास गर्ने क्रममा धुन्धुरे खोलाको खोचमा उनीहरुको शव तैरिएको अवस्थामा फेला परेको थियो ।

प्रकाशित : भाद्र ३०, २०७८ १६:००
पूरा पढ्नुहोस्
प्रतिक्रिया
पठाउनुहोस्
×