'अन्तरिक्षसम्बन्धी अध्ययनमा नेपाली विद्यार्थीले चासो देखाएनन्'- विज्ञान र प्रविधि - कान्तिपुर समाचार
कान्तिपुर वेबसाईट
AdvertisementAdvertisement

'अन्तरिक्षसम्बन्धी अध्ययनमा नेपाली विद्यार्थीले चासो देखाएनन्'

इकान्तिपुर डेस्क

काठमाडौँ — रुसी विज्ञान तथा सांस्कृतिक केन्द्र नेपालले अन्तरिक्ष विज्ञानमा नेपाली विद्यार्थीहरुलाई रुसमा अवसर दिइएपनि त्यसको फाइदा लिन नसकेको जनाएको छ ।

विश्व विज्ञान दिवसको अवसर पारेर बिहीबार नेपाल एस्ट्रोनोमिकल सोसाइटी(नासो)सँग सहकार्य गरेर केन्द्रमा आयोजित रुसमा अन्तरिक्ष विज्ञान सम्बन्धी अन्तरक्रिया कार्यक्रममा केन्द्रका प्रतिनिधि अलेक्सी कोट्ल्यारोभले नेपाली विद्यार्थीहरुले अन्तरिक्ष अध्ययनमा इच्छा नदेखाएको बताएका हुन् ।

हरेक वर्ष नेपाली विद्यार्थीहरुलाई २० वटा पूर्ण छात्रवृत्ति दिइएपनि आवेदन कम आउने गरेको उनले बताए । कोट्ल्यारोभले विद्यार्थीहरको रुची मेडिकलतिर बढि भएको बताए । उनले भने,'२० वटा विभिन्न शिर्षकमा छात्रवृत्ति दिँदा पनि कम आवेदन परेका छन् । अधिकांश आवेदन मेडिकल शिक्षामा मात्रै छ ।'

उनले राष्ट्रियस्तरमा हुने एस्ट्रोनोमिकल ओलम्पियाडमा उत्कृष्ट भएकाहरुलाई रुसमा अवसर समेत दिइने उनले बताए । रुसले नेपाली विद्यार्थीहरुलाई अन्तरिक्ष विज्ञानमा अवसर दिएपनि उनीहरुले इच्छा नदेखाएको बताए ।

कार्यक्रममा नासोका अध्यक्ष सुरेश भट्टराईले अन्तरिक्षसम्बन्धीका गतिविधि कम भएकाले पनि विद्यार्थीहरुको रुची त्यसतर्फ बढ्न नसकेको औंल्याए । अन्तरिक्षमा रुस लामो अनुभव बटुलेको मुलुक भएकाले नेपाली विद्यार्थीहरुका लागि रुसमा अन्तरिक्ष अध्ययन ठूलो अवसर भएको भट्टराईले बताए ।

प्रकाशित : मंसिर ११, २०७७ १७:५४
प्रतिक्रिया
पठाउनुहोस्

बलात्कार आरोपमा धर्मगुरु पक्राउ

भरत जर्घामगर

सिरहा — जबरजस्ती करणी आरोपित मुस्लिम धर्मगुरु मौलवीलाई प्रहरीले लहान बजारबाट पक्राउ गरेको छ । पक्राउ पर्नेमा मिर्चैया नगरपालिका–१० का मोहम्मद अली हसन रहेको इलाका प्रहरी कार्यालय लहानका प्रमुख डिएसपी शरत थापा क्षेत्रीले बताए ।

उनका अनुसार लहान नगरपालिका–७ की एक २३ वर्षीया मुस्लिम युवतीलाई पक्राउ परेका आरोपितले बलात्कार गरेको आरोप छ ।

अली हसनले लहान नगरपालिका–१० स्थित डेरामा झारफुकको नाममा बलात्कार गरेको पीडित पक्षको आरोप छ । उनीमाथि अनुसन्धानका लागि सरकारी वकिल कार्यालयमार्फत अदालतले बुधबार ५ दिनको म्याद थप गरेको छ ।


प्रकाशित : मंसिर ११, २०७७ १७:४७
पूरा पढ्नुहोस्
प्रतिक्रिया
पठाउनुहोस्
×