सातौं राष्ट्रिय एस्ट्रोनोमी ओलम्पियाड २०२० को नतिजा प्रकाशित- विज्ञान र प्रविधि - कान्तिपुर समाचार

सातौं राष्ट्रिय एस्ट्रोनोमी ओलम्पियाड २०२० को नतिजा प्रकाशित

कान्तिपुर संवाददाता

काठमाडौँ — सातौं राष्ट्रिय एस्ट्रोनोमी ओलम्पियाड २०२० को अन्तिम नतिजा शनिबार प्रकाशन भएको छ । साउन १० देखि १६ गते सम्म सञ्चालित तेस्रो तथा अन्तिम चरण (बन्द शिविर) को नजिता शनिबार नेपाल एस्ट्रोनोमिकल सोसाइटी(नासो)ले प्रकाशन गरेको हो । 

सिनियरतर्फ जावलाखेलस्थित सेन्ट जेभियर्स स्कुलका आकाश गुरुङ प्रथम भए । लकडाउनअघि सञ्चालन गरिएको जुनियरतर्फ पोखराको रेन्बो एकेडेमिक होम्स सेकेन्डरी स्कुलका सञ्जय श्रेष्ठ प्रथम भएका थिए ।

७ वटै प्रदेशमा सञ्चालन भएको प्रथम तथा दोस्रो चरणबाट छनोट भएका ३९ विद्यार्थीले बन्द शिविरमा सहभागी जनाएको नासोका अध्यक्ष सुरेश भट्टराईले बताए ।

बन्द शिविरमा नेपाली तथा विदेशी विषय विज्ञहरुमार्फत खगोल तथा अन्तरिक्ष विज्ञान सम्बन्धि सैद्धान्तिक तथा प्रयोगात्मक कक्षाहरु सञ्चालन गरिएको थियो ।

शिविरमा उत्कृष्ट प्रदर्शन गर्ने विद्यार्थीहरुलाई अन्तर्राष्ट्रिय एस्ट्रोनोमी ओलम्पियाडमा सहभागिता जनाउन पाउनेछन् । कोरोना महामारीका कारण यस वर्ष अन्तर्राष्ट्रिय ओल्पियाड भर्चुअल हुँदैछन् ।

नासोले विगत ७ वर्षदेखि सञ्चाल गर्दै आएको एस्ट्रोनोमिकल ओलम्पियाडमा कक्षा ८-१२ सम्मका विद्यार्थीहरु सामेल हुँदै आएका छन् ।

प्रकाशित : भाद्र १३, २०७७ १६:२०
प्रतिक्रिया
पठाउनुहोस्

कोरोनाबाट पोखरामा ५८ वर्षीय पुरुषको मृत्यु

कान्तिपुर संवाददाता

पोखरा — कोरोना संक्रमणबाट पोखराको पश्चिमाञ्चल क्षेत्रीय अस्पतालमा शनिबार ५८ वर्षीय पुरुषको मृत्यु भएको छ । पोखरा–१४ का ती पुरुष भदौ ७ मा आन्द्राको शल्यक्रिया गर्न अस्पताल भर्ना भएका थिए ।

कोभिड–१९ को आशंकामा उनको स्वाब भोलिपल्ट परीक्षणका लागि पठाइएकोमा बुधबार रिपोर्ट पोजिटिभ आएको थियो । त्यही दिन उनलाई पोखरा स्वास्थ्य विज्ञान प्रतिष्ठान अन्तर्गत कोभिड–१९ उपचार केन्द्रको आईसीयूमा भर्ना गरी राखिएको अस्पतालका निर्देशक डा.अर्जुन आचार्यले बताए ।

अस्पतालमा कोरोनाबाट लगातार तेस्रो दिन संक्रमितको निधन भएको हो । यसअघि बिहीबार पोखरा–१२ कि ३२ वर्षीया महिला र शुक्रबार लमजुङका ५२ वर्षीय पुरुषको अस्पतालको आईसीयूमा उपचारका क्रममा निधन भएको थियो ।

कोभिड विशेष अस्पतालमा कोरोनाबाट मृत्यु हुनेको संख्या ७ पुगेको छ । गण्डकीमा हालसम्म १२ जनाले ज्यान गुमाएका छन् ।

प्रकाशित : भाद्र १३, २०७७ १५:५८
पूरा पढ्नुहोस्
प्रतिक्रिया
पठाउनुहोस्
×