विज्ञान सम्मत सूचनालाई सशक्त बनाइने- विज्ञान र प्रविधि - कान्तिपुर समाचार

विज्ञान सम्मत सूचनालाई सशक्त बनाइने

कान्तिपुर संवाददाता

काठमाडौँ — छद्म विज्ञान,अनुमान र अन्धविश्वास जस्ता हानिकारक सामाचारलाई निरुत्साहित गर्न विज्ञान सम्मत सूचनाहरुलाई सशक्त बनाउने निर्णय गर्दै कोभिड–१९ विरुद्ध युवा वैज्ञानिक नेपालद्वारा आयोजित प्रथम राष्ट्रिय इ–कन्फ्रेन्स सम्पन्न भएको छ ।

सम्मेलनले विज्ञान स्यवंसेवकहरुबाट सञ्चालन भइरहेका प्रयासहरुलाई वृद्धि गर्ने, हाल सञ्चालित कार्यक्रमलाई सशक्त ढंगले अगाडि बढाउँदै स्थानीयस्तरसम्म विज्ञान सम्मत सञ्चार पुर्‍याउने निष्कर्श निकालेको छ ।

मुलुकभरका युवा वैज्ञानिकहरुको भएको राष्ट्रिय इ–भेलाले महाव्याधीबाट सिर्जित समस्यासँग अभ्यस्त हुँदै नवप्रवर्तनमुखी सिर्जनाशील र सहयोगी हुने खालका कार्यहरु गर्नुपर्ने समेत निष्कर्ष निकालेको युवा वैज्ञानिक सञ्जालका संयोजक डा. दिनेश न्यौपानेले बताए ।

सम्मेलनमा युवा वैज्ञानिकहरुले गरिरहेका कार्यहरुको अनुभव आदनप्रदान,कोभिड–१९का विविध वातवरणीय अध्ययनको प्रस्तुति विषयमा केन्द्रीत भएको थियो ।

अहिले युवा वैज्ञानिक सञ्जाल देशभरका ६५ वटा जिल्ला र सातै वटै प्रदेशमा फैलिएको छ । उनीहरुले वैज्ञानिक चेतना जागउनका लागि विभिन्न विज्ञान सामग्रीहरुकै उत्पादन तथा सम्प्र्रेषण गर्ने काम गर्दै आइरहेको नाष्टका प्राडा दीनेशराज भुजुले बताए ।

सञ्जालमा २ सय भन्दा युवा वैज्ञानिक तथा विज्ञान स्वंयसेवकहरु आबद्ध छन् । यसमा अधिकांश विज्ञान विषय लिएर कलेज तथा विश्वविद्यालय तहहरुमा अध्ययनरत विद्यार्थीहरु सामेल छन् ।

सम्मेलनमा काठमाडौं विश्वविद्यालयका उपकुलपति डा.रामकण्ठ मकाजु श्रेष्ठ, शिक्षा विज्ञान तथा प्रविधि मन्त्रालयका सचिव डा.सञ्जय शर्मा र पूर्व विज्ञान मन्त्री गणेश साहले युवा वैज्ञानिकहरुले गरेको कार्यहरुको प्रंशसा गरेका थिए । यस्तै उनीहरुले विज्ञान सम्मत सूचनालाई सशक्त बनाउन र नवप्रवर्तनात्मक विषयमा जोड दिनुपर्ने बताएका थिए ।

प्रकाशित : जेष्ठ ८, २०७७ २१:१४
प्रतिक्रिया
पठाउनुहोस्

अस्पतालले लापरबाही गरेको भन्दै संक्रमितको परिवारले शव उठाउन मानेन

अन्त्येष्टि गर्ने भनिएको स्थान वरपरका स्थानीयको विरोध
घनश्याम गौतम

रूपन्देही — बिहीबार बिहान तिलोत्तमाको क्रिमसन अस्पतालमा मृत्यु भएका गुल्मीका कोरोना संक्रमित ४१ वर्षिय शिक्षकका परिवारले शव उठाउन सहमति नदिएपछि उनको शद्गद् हुन सकेको छैन ।

मृतकका परिवारले मृत्युको कारण कोरोना भनिएकोमा समेत आशंका प्रकट गरेका छ । क्रिमसन अस्पताल प्रशासन र चिकित्सकको लापरबाहीको छानबिनको माग गर्दै शव उठाउन परिवारले सहमति दिएको छैन ।

मृतकका भाइले निष्पक्ष छानबिनको माग आफूहरुको रहेको बताए । बिरामी एम्बुलेन्सबाट झरेर हिँड्दै अस्पताल छिरेको र अर्को दिन ढाडबाट पानी निकाल्ने क्रममा बेहोश बनाएपछि मात्रै कोरोना संक्रमण पुष्टि भएको उनले बताए । उनको सोमबार कोरोना संक्रमण पुष्टि भएको थियो । कोरोना पुष्टि भएको समाचार आएका दिनदेखि चिकित्सकले दाजुको उपचार नगरेको पनि उनले बताए । ‘उपचारै नगरिदिएका कारण दाईको मृत्यु भएको हो । यो लापरबाहीको छानबिन हुनुपर्छ,’ उनले भने ।

जिल्लाको सुरक्षा स्रोतका अनुसार शव जलाउने स्थानको पनि टुंगो लागेको छैन । मृत्युको १२ घण्टा बिते पनि उनको शव अस्पतालकै आइसियू कक्षमै छ । स्थानीय प्रशासनले सुरक्षाकर्मीले शव अस्पतालबाट लैजाने र तिलोत्तमा नगरपालिका–३ स्थित मगरघाटमा व्यवस्थापन गर्ने तयारी गरेको थियो । तर, स्थानीयले विरोध गरेपछि अर्को स्थानको व्यवस्थापन हुन सकेको छैन ।

प्रदेशका सामाजिक विकास मन्त्री सुदर्शन बरालले परिवारसँग छलफल भइरहेको र स्थानको समस्या नरहेको दावी गरे । शब व्यवस्थापनको जिम्मा जिल्ला संकट व्यवस्थापन केन्द्रको भएकोले केन्द्रले नै बैठक बसेर सबै कुराको टुंगो लगाउने तयारी गरेको उनले बताए ।

प्रकाशित : जेष्ठ ८, २०७७ २०:५१
पूरा पढ्नुहोस्
प्रतिक्रिया
पठाउनुहोस्
×