हजार जनालाई प्रोग्रामिङ र ग्राफिक डिजाइनिङको निःशुल्क तालिम
काठमाडौँ — लकडाउनका कारण विद्यार्थीको पढाई प्रभावित भएपछि नियोस्फेयरले एक हजार जनालाई अनलाइनबाटै निःशुल्क प्राग्रामिङ र ग्राफिक डिजाइनको तालिम दिने भएको छ ।
विद्यार्थीहरु घरमै बसेर दुई हप्ताको तालिम निःशुल्क लिन सक्ने नियोस्फेयरले जारी गरेको विज्ञप्तीमा जनाइएको छ ।
यो तालिममा सबै उमेर समूहका विद्यार्थी भर्ना हुन सक्ने कम्पनीले जनाएको छ । नियोस्फेयरको वेबसाइटमा गएर विद्यार्थीले नाम दर्ता गर्न सक्ने विज्ञप्तीमा जनाइएको छ ।
गोल्छा अर्गनाइजेसनद्धारा स्थापित नियोस्फेयरले सूचना प्रविधिसँग सम्बन्धित सीपमूलक तालिम दिंदै आएको छ ।
अनलाइनमार्फत शिक्षकले तालिम दिने कम्पनीले जनाएको छ । एउटा अनलाइन कक्षामा ५० जनासम्म सहभागी गराउने तयारी भएको कम्पनीले जनाएको छ । इच्छुकको लागि नाम दर्ता सुरु भएको कम्पनीले जनाएको छ ।