क्‍वारेन्टाइनमा नि:शुल्क वाइफाइ

क्‍वारेन्टाइनमा रहेकालाई समय बिताउन र आफन्तसित कुराकानी गर्न तथा देश दुनियाँको खबर थाहा पाउन सजिलो होस् भनेर वाइफाइ जडान गरिएको नगरपालिकाका स्वास्थ्य शाखा प्रमुख बलबहादुर रावलले बताए । उनले भने,‘क्‍वारेन्टाइनमा रहेकाहरु आफन्तसित भिडियो कल गर्छन् । फेसबुक चलाएर दिन कटाइरहेका छन् ।’उनले ४० एमबीपीएस गतिको इन्टरनेट जोडिएको बताए ।

टीकापुर नगरपालिकाको टीकापुर बहुमुखी क्याम्पसमा रहेको क्‍वारेन्टाइनमा २५ जना रहेका जनाइएको छ । ती सबै भारतका विभिन्न सहरबाट आएका जनाइएको छ । क्‍वारेन्टाइनमा रहेका सबैको खान बस्न व्यवस्था नगरपालिकाले नै गरेको जनाएको छ । टीकापुरमा कोरोनो भाइरस संक्रमितको उपचारका लागि १५ वटा आइसोलेसन कक्ष बनाइएको छ ।