कोरोनाबारे जानकारी दिन स्वास्थ्य मन्त्रालयको भाइबर कम्युनिटी, यसरी जोडिनुहोस् 

विजय तिमल्सिना

काठमाडौँ — कोरोनाबारे आधिकारीक जानकारी दिने उद्देश्यले स्वास्थ्य मन्त्रालयले भाइबर कम्युनिटी सुरु गरेको छ । यसमा जति पनि भाइबर प्रयोगकर्ता जोडिन सक्छन् ।


मंगलबार सुरु भएको भाइबर कम्युनिटीमा हालसम्म एक हजार ८ सय बढी सदस्य भइसकेका छन्।


यो कम्युनिटीमा कोरोना भाइरसबाट बच्ने उपायहरुका साथै कोरोनाको बिषयमा मन्त्रालयको आधिकारीकहरु जानकारी पाउन सकिन्छ।


भाइबर प्रयोगकर्ताले यहाँ क्लिक गरेर यो कम्युनिटीमा आवद्ध हुन सक्छन्। यसका साथै, भाइबरको सर्चबारमा गएर एमओएच नेपाल कोभिड २०१९ टाइप गरेर पनि यो कम्युनिटीमा आवद्ध हुन सकिन्छ।


यो कम्युनिटीका सदस्य भइसकेकाहरुले आफ्नो सम्पर्कमा रहेका व्यक्तिहरुलाई आवद्ध गराउन पनि मिल्छ।



प्रकाशित : चैत्र ११, २०७६ २०:३९

प्रतिक्रिया
पठाउनुहोस्

६ सय १० नमुना परीक्षणमा नयाँ संक्रमित पाइएको छैन : स्वास्थ्य मन्त्रालय

कान्तिपुर संवाददाता

काठमाडौँ — स्वास्थ्य तथा जनसंख्या मन्त्रालयले अहिलेसम्म ६ सय १० वटा नमुना परीक्षण भएकोमा २ जनाबाहेकमा कोभिड १९ संक्रमण नभेटिएको बताएको छ । मंगलबार स्वास्थ्य मन्त्रालयमा आयोजित पत्रकार सम्मेलनमा प्रवक्ता विकास देवकोटाले फ्रान्सबाट आएकी महिला र केही समय पहिले एक युवामा बाहेक संक्रमित नभेटिएको जानकारी दिएका हुन् ।

उनका अनुसार कोरोना संक्रमण भएको १ जना र आशंका गरिएका अन्य १५ सहित शुक्रराज ट्रपिकल तथा सरुवारोग अस्पताल टेकुमा १६ जना बिरामी छन् । त्यसमध्ये १० जना क्‍वारेन्टाइनमा छन् भने ५ जना आइसोलेसनमा रहेका छन् ।

त्यस्तै सरकारले यसअघि विदेशबाट आएका वा तीनका नजिकका व्यक्तिहरुको मात्र परीक्षण हुने गरेकोमा त्यसको दायरा बढाई संक्रमणको लक्षण मिलेका ६० वर्ष उमेर नाघेका बिरामी, स्वास्थ्यकर्मी, दीर्घरोगीहरु र सघन उपचार कक्षमा रहेकामा फ्लुको लक्षण देखिएका बिरामीको नमुना संकलन गरी परीक्षण सुरु गरेको छ । अन्य अस्पतालहरुमा कोरोना संक्रमणसँग मिल्दो लक्षण देखिएका बिरामी आएमा फिभर क्लिनिक सञ्चालन गरी अस्पतालले आइसोलेसनमा राख्नु पर्ने र कोरोना परीक्षणका लागि नमुना पठाउनुपर्ने व्यवस्था गरिएको समेत देवकोटाले बताए । उनले बिरामीलाई रिफर नगरिकन नमुना पठाउन मात्र अनुरोध गरिएको बताए । उनले विदेशबाट आएकाहरु सेल्फ क्‍वारेन्टाइनमा नबसी आफूखुसी बस्न थालेकाले देशभर लकडाउन गर्नुपरेको समेत बताए ।

स्वास्थ्य सेवा विभाग, व्यवस्थापन महाशाखामा अहिलेसम्म रहेका स्वास्थ्य सामग्रीहरुमा पीपीई सेट ३ सय ५८ वटा, गाउन १ हजार ४ सय ५६, फेस मास्क १ हजार ५ सय ७८, सेनिटाइजर ७७, पञ्जा, १ हजार ५ सय ९३, एन ९५ मास्क २४, चस्मा ४ सय ८०, आइआर थर्मोमिटर ४, सुकभर १ हजार १ सय ६२ र फेस फिल्ड २ सय ३५ वटा छन् । यसबाहेक विभिन्न संक्रमणको जोखिम रहेका क्षेत्रहरुमा वितरण गर्न राखिएको फेस मास्क २ लाख ७२ हजार ४ सय २० वटा रहेको छ ।

प्रकाशित : चैत्र ११, २०७६ २०:३५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×