ब्ल्याकबेरीको डिजाइन बन्द

कान्तिपुर संवाददाता

कुनै बेलाको चर्चित स्मार्टफोन निर्माता ब्ल्याकबेरीले आफ्नो लागि आफैंले स्मार्टफोनको डिजाइन नगर्ने भएको छ । ब्ल्याकबेरीले चार वर्षयता स्मार्टफोन डिजाइन गरी चिनियाँ निर्माता टीसीएलबाट उत्पादन गरी बजारमा पठाउँदै आएको थियो । स्मार्टफोन डिजाइनको लागि अर्को कम्पनीलाई जिम्मा दिने उसको योजना छ । 

गत सातादेखि नै चिनियाँ स्मार्टफोन उत्पादक टीसीएलले ब्ल्याकबेरीको डिजाइनलाई आफूले उत्पादन नगर्ने घोषणा गरेको थियो । कुनै बेला विश्वको चर्चित स्मार्टफोन ब्राण्ड ब्ल्याकबेरी अहिले स्मार्टफोन डिभाइस भन्दापनि सफ्टवेयर र सेक्युरिटीसम्बन्धी सेवामा केन्द्रित छ । ब्ल्याकबेरीको स्मार्टफोन ह्याकरबाट सुरक्षित हुने भन्दै प्रयोगकर्ताले मन पराएका थिए ।

प्रकाशित : माघ २४, २०७६ १०:५७
ADVERTISEMENT
प्रतिक्रिया
पठाउनुहोस्
ADVERTISEMENT

पुराना डिभाइसमा ह्‍वाट्सएप नचल्ने

कान्तिपुर संवाददाता

ह्वाट्सएप संसारमा सबैभन्दा धेरै प्रयोग हुनेमध्येको एक म्यासेजिङ एप हो । तर, यसले शनिबारदेखि पुराना लाखौं डिभाइसमा काम गर्न छाडेको छ । सुरक्षा संवेदनशीलताभन्दै फेसबुक स्वामित्वको ह्वाट्सएपले पुरानाअपरेटिङ सिस्टम भएका डिभाइसमा सेवा बन्द गरेको हो । 

एन्ड्रोइड २.३.७ भर्सन र त्यो भन्दा पुरानो भर्सन तथा आइओएस एट वा त्यो भन्दा पुरानो भर्सनमा सेवा बन्द भएको ह्वाट्सएपले जनाएको छ । अपरेटिङ सिस्टमको पुरानो भर्सन चलाइरहेका प्रयोगकर्ताले अपडेट गरी सो भन्दामाथिको अपरेटिङ सिस्टम प्रयोग गरेमा भने ह्वाट्एप उपयोग गर्न सक्नेछन् । तर, अधिकांश पुराना डिभाइसमा पछिल्ला अपरेटिङ सिस्टमहरु सपोर्ट हुने छैन ।

प्रकाशित : माघ २४, २०७६ १०:५५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×