टिन्डरमा प्यानिक बटन

टिन्डरमार्फत परिचय भएर भेटघाट हुने र त्यस्तो भेटघाटमा विशेषतः महिलाहरूले हिंसा भोगेको गुनासो बढेपछि टिन्डरले यस्तो बटन ल्याउने भएको हो । कसैले असुरक्षित महसुस गरी प्यानिक बटन थिचे त्यसको जानकारी प्रहरीलाई पुग्ने गरी फिचर तयार पार्न लागिएको हो । यो फिचर प्रयोग गर्न भने केही समय कुर्नुपर्नेछ । टिन्डरमा फोटो पनि भेरिफाई गरेर मात्रै राख्न मिल्ने फिचर पनि आउन लागेको छ । अरूको फोटो प्रोफाइलमा राख्ने क्रम हटाउन यस्तो फिचर ल्याउने भएको हो ।