फिंगरप्रिन्टसहितको ड्राइभ

कान्तिपुर संवाददाता

काठमाडौँ — प्रयोगकर्ताको डाटा सुरक्षाका लागि बजारमा फिंगरप्रिन्ट सपोर्ट गर्ने सुविधासहितको एक्सटर्नर ड्राइभ आउने भएको छ । सामसङले यो वर्षको अन्त्यतिर यस्तो ड्राइभ बजारमा पठाउन लागेको हो । फिंगरप्रिन्ट सुविधा भएको सम्भवतः यो पहिलो एक्सटर्नर ड्राइभ हुनेछ ।

ZenTravel

मूल्यका हिसाबले चल्तीका एक्सटर्नर ड्राइभभन्दा महँगो हुने भए पनि डाटा सुरक्षाको हिसाबले यो बढी उपयोगी हुन सक्छ । फिंगरप्रिन्ट सपोर्ट गर्ने फिचरका कारण प्रयोगकर्ताले ड्राइभ हराए पनि त्यसमा भएका फाइलहरू अरूले प्रयोग गर्ने सम्भावना हुँदैन भने कसैले ड्राइभ लिएर सम्बन्धित प्रयोगकर्ताको अनुमतिबिना फाइल कपी गर्ने सम्भावना पनि कम हुन्छ । सुरक्षालाई ध्यान दिएर तयार पारिएको यो ड्राइभ सन् २०२० को अन्त्यतिर मात्रै बजारमा आउनेछ ।


प्रकाशित : माघ १७, २०७६ १५:१५
प्रतिक्रिया
पठाउनुहोस्
ADVERTISEMENT

सई हुँ भन्दै ठगी गर्ने व्यक्ति पक्राउ

कान्तिपुर संवाददाता

काठमाडौँ — आफू प्रहरी नायव निरीक्षक (सई) हुँ भन्दै ठगी गर्ने एक व्यक्तिलाई महानगरीय प्रहरी अपराध महाशाखाले पक्राउ गरेको छ । ३ लाख रुपैयाँ ठगी गरेका बसुन्धरा बस्‍ने रामेछाप मन्थली नगरपालिका २ का राजु कार्कीलाई बिहीबार बेलुकी कलंकीबाट पक्राउ गरिएको महाशाखाले जनाएको छ ।

उनले विभिन्‍न बाहाना बनाएर काठमाडौं मनहरा बस्‍ने सिन्धुपाल्चोकका लक्ष्मण गिरीको ३ लाख रुपैयाँ ठगी गरेका थिए।

कार्कीको साथबाट नगद ७ हजार ५ सय, बा ९१ प ७४४६ नम्बरको मोटरसाइकल, १ थान मोबाइललगायत सामग्री बरामद गरिएको छ। कार्कीलाई कारबाहीका लागि महानगरीय प्रहरी परिसर काठमाडौं पठाइएको महाशाखाले जनाएकाे छ।

प्रहरी उपरीक्षक मुकेशकुमार सिंहका अनुसार कार्की यसअघि २०७३ सालमा पनि ठगी मुद्दामा ६ महिना भुक्तान गरी धरौटीमा छुटेका थिए।

प्रकाशित : माघ १७, २०७६ १५:१५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×