बेलायतमा फेसबुक र इन्स्टाग्राममा समस्या
काठमाडौँ — बेलायतमा चर्चित सामाजिक सञ्जाल फेसबुक र फोटो सेयरिङ एप इन्स्टाग्राम डाउन भएका छन् ।
हजारौं प्रयोगकर्ताहरुले आफूले यी सञ्जालका फिडहरु रिफ्रेस नभइरहेको र फोटो तथा भिडियो समेत अपलोड नभइरहेको बताएका छन् ।
डाउन डिटेक्टरका अनुसार यो समस्या बेलायतभरका प्रयोगकर्तामाझ बिहीबार दिउँसोदेखि नै समस्या भइरहेको बेलायती सञ्चारमाध्यमले उल्लेख गरेका छन् ।
७४ प्रतिशत प्रयोगकर्ताहरुका अनुसार उनीहरुलाई न्यूजफिडमा समस्या भइरहेको छ भने १४ प्रतिशत प्रयोगकर्तालाई स्टोरी अपलोडिङमा समस्या आइरहेको छ ।
१० प्रतिशत प्रयोगकर्ता वेबसाइटमा काम नगरेको समस्या देखाएका छन् । यद्यपि यी एप्लिकेसन किन डाउन भएको बारे आधिकारिक जानकारी आइसकेको छैन् ।
यसको असर बेलुकापखदेखि नेपालमा समेत देखिएको छ ।