दुई नेपाली वैज्ञानिकलाई ५०/५० हजार डलरको फेलोसिप

नाष्टका वैज्ञानिक डा.प्रसाई पानी र पानीको शुद्धताबारे एक दशकभन्दा लामो समयदेखि काम गर्दै आएकी छन् भने कागती तथा सुन्तलाजन्य (सिट्रस) फलहरुको खेर जाने बोक्राबाट रसायनिक प्रविधि प्रयोग गरेर औषधिजन्य रसायन उत्पादन गर्ने कार्यमा डा‍. पाण्डेले अनुसन्धान गर्दै आएकी छन् । पाण्डे रीसर्च इन्स्टिच्युट फर बायो साइन्स एन्ड बायोटेक्नोलोजीकी वैज्ञानिक तथा क्याटालिस्ट टेक्नोलोजीकी सीईओ हुन् ।

आफूले काम गरिरहेको क्षेत्रमा अझ खर्च गरेर परिणाममुखी काम गर्न ओडब्लूएसडीले प्रस्ताव आह्वान गरेको थियो । त्यसका लागि संसारभरका विकासोन्मुख मुलुकबाट वैज्ञानिकहरुले आ-आफ्नो विषय पठाएका थिए । उनीहरुमध्ये जोशी र पाण्डेसँगै १४ वटा देशका २० जना महिला वैज्ञानिकहरुले ओडब्लूएसडी अर्ली करियर फेलोसिप पाएका हुन् ।

ओडब्लूएसडीले प्रदान गरेको फेलोसिप अन्तर्गत दिइएको रकम उनीहरुले उक्त रकम आफ्नो संस्थामा गरिने अध्ययन अनुसन्धानमा खर्च गर्नुपर्नेछ । नेपाली महिला वैज्ञानिकहरुले शोध गर्न चाहेको विषयमा पाएको उक्त रकम हालसम्मकै सर्वाधिक रहेको बताइएको छ । डा.प्रसाई र पाण्डे दुवैले उक्त रकम उपकरण खरिद र अनुसन्धानमै खर्च गरेर परिणाममुखि काम गर्ने बताएका छन् ।