मंगलबार राति खण्डग्रास चन्द्र ग्रहण

अतुल मिश्र

काठमाडौँ — मुलुकका सबै भू–भाग बाट आकाश सफा रहे मंगलबार अबेर राति खण्डग्रास चन्द्र ग्रहण देख्न सकिन्छ । सूर्य र चन्द्रमाबीच पृथ्वी आएर देखिने चन्द्रग्रहण दक्षिण अमेरिका, युरोप, एसिया, अस्टेलियाबाट समेत देखिन्छ । जब चन्द्रमा पृथ्वीको छायाबाट गुज्रिन्छ तब ग्रहण लाग्छ । 

ZenTravel


नेपाल एस्ट्रोनोमिकल सोसाइटिका अनुसार मंगलबार गुरुपुर्णिमाको राति १२ बजेर २८ मिनेट देखि करिब २ घण्टा ५८ मिनेटसम्म खण्डग्रास चन्द्रग्रहण लाग्ने छ। राति करिब १ बजेर ४६ मिनेटमा सुरु हुने खण्डग्रास चन्द्र ग्रहणले चन्द्रमा लाई ३ बजेर १५ मिनेट मा अत्यधिक ढाक्ने छ।

Meroghar

चन्द्र ग्रहण हेर्ने खोज्नेले मङ्गलबार राति १ बजेर ४६ मिनेट देखि ४ बजेर ४४ मिनेट सम्म चन्द्रमाको केही भाग रातो/तामा रङ्गको देख्न सक्नेछन्।पृथ्वीको वायुमण्डलको छान्ने र परावर्तित गर्ने प्रभावको कारण ग्रहणको समय चन्द्रमाको रङ्गमा भइरहेको परिवर्तन अनौठो लाग्ने खगोलविद्हरु बताउँछन्।

वीपी कोइराला मेमोरियल प्लानेटोरियम तथा अब्जरभेटरी र विज्ञान संग्राहलय विकास समितिका निमित्त कार्यकारी निर्देशक सनतकुमार शर्माको अनुसार चन्द्रमालाई मङ्गलवार बिहान १२ बजेर २८ मिनेटदेखि विरल छायाले ढाक्न सुरु गर्छ भने राति १ बजेर ४६ मिनेटदेखि सघन छायाले ढाक्न सुरु गर्छ।

यस्तै बिहान ४ बजेर ४४ मिनेटदेखि चन्द्रमालाई सघन छायाले ढाक्न छोड्छ भने बिहान ६ बजेर २ मिनेटदेखि विरल छायाले ढाक्न छोड्छ। तर नेपालमा चन्द्र अस्त बिहान ५ बजेर २५ मिनेटमा हुने भएकोले यो देखिँदैन।

पुर्णिमाको राति मात्र हुने चन्द्र ग्रहण पूर्ण र आंशिक गरी दुई प्रकारको हुन्छ। सामान्य रूपमा भन्ने हो भने चन्द्रमा पृथ्वीको छायामा प्रवेश गर्दा आंशिक चन्द्र ग्रहण देखिन्छ। जब यो छायाको मध्यमा आउँछ अनि पूर्ण ग्रहण हामी हेर्छौ।

प्रकाशित : असार ३०, २०७६ १९:४९
ADVERTISEMENT
प्रतिक्रिया
पठाउनुहोस्
ADVERTISEMENT

सांसद यादवद्वारा एक महिना बराबरको तलब बाढी पीडितलाई दिने घोषणा

कान्तिपुर संवाददाता

काठमाडौँ — संघीय समाजवादी फोरमका सांसद प्रदीप यादवले आफ्नो एक महिना बराबरको तलब बाराका बाढी पीडितहरुलाई दिने घोषणा गरेका छन् ।

सोमबार एक विज्ञप्ति निकाल्दै सांसद यादवले पीडितहरुलाई चालिने सहयोगमा अझ थप सहयोग प्रदान होस् भन्ने इच्छाका साथ राहत स्वरुप आफ्नो एक महिनाको तलब पर्सा जिल्ला विपद् व्यवस्थापन समितिको राहत कोषमा जम्मा गर्ने घोषणा गरका हुन् ।

पर्सा क्षेत्र नम्बर १ बाट निर्वाचित सांसद समेत रहेका यादवले विपद्को यस घडीमा सबै सहयोगी हातहरुलाई बाढी पीडितहरुका लागि आ-आफ्नो ठाउँहरुबाट सहयोग गर्न आग्रह समेत गरेका छन् ।

प्रकाशित : असार ३०, २०७६ १९:३६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×