तपाईंको अंक ?

प्रदेशको नामाकरणका लागि राखिएको प्रस्तावमा क्रस भोटिङको डरले नेकपाले आफ्‍ना सांसदलाई मत पत्र खसाल्नुअघि मतपत्र देखाउन भनेपछि विवाद भएको छ ।

प्रदेशको नामकरणका लागि राखिएको प्रस्तावमा क्रस भोटिङको डरले प्रतिपक्ष नेपाली कांग्रेसले आफ्‍ना सांसदहरुलाई प्रदेशसभाभित्रै घेरेर राखेको छ ।  

प्रदेश २ को नामाकरण गर्ने सन्दर्भमा प्रस्ताव गरिएको 'मध्य मधेस' नाम पनि अस्वीकृत भएको छ । प्रस्तावको पक्षमा ४२ मत आएको छ भने विपक्षमा ६५ मत आएको छ ।

प्रदेश २ को नाम मध्य मधेस राख्‍न गरिएको प्रस्ताव अस्वीकृत भएको छ । मंगलबार प्रदेश सभामा भएको मतदानमा प्रस्तावको पक्षमा ४२ मत आएको छ भने विपक्षमा ६५ मत परेको छ । कांग्रेस पर्साका सांसद राजेश्वरप्रसाद साहले उक्त प्रस्ताव दर्ता गराएका थिए ।

प्रदेश २ को नामकरण लागि जारी मतदानमा 'क्रस भोटिङ' भएपछि प्रतिपक्ष नेकपा र कांग्रेसले आफ्‍ना पार्टीका सांसदहरुलाई ह्विप जारी गरेका छन् । दुवै दलले सत्तारुढ दलको तर्फबाट हुने प्रस्तावको विपक्षमा मत हाल्न आफ्‍ना सांसदलाई ह्विप जारी गरेका हुन् । 

प्रदेश २ को नाम 'मिथिला भोजपुरा' राख्‍ने कांग्रेसको प्रस्ताव अस्वीकृत भएको छ । प्रदेशको नाम 'मिथिला भोजपुरा' राख्‍ने कांग्रेसको पक्षमा २८ मत मात्रै खसेको छ । प्रदेशसभामा कांग्रेसका १९ सांसद छन् । सत्ता पक्षाका सांसदहरुले कांग्रेसको प्रस्तावको पक्षमा मतादान गरेको आशंका गरिएको छ ।