तपाईंको अंक ?

दाङको निर्वाचन क्षेत्र नम्बर ३ को प्रदेससभा ‘ख’ मा भएको उपनिर्वाचनमा नेकपाले अग्रता लिएको छ । पछिल्लो मतपरिणाम अनुसार नेकपा र नेपाली कांग्रेसका उम्मेदवारबीच प्रतिस्पर्धा देखिएको छ । नेकपाका उम्मेदवार विमलाकुमारी खत्रीले ४ हजार ६ सय ८२ मत ल्याएकी छिन् भने नेपाली कांग्रेसका उम्मेदवार केशवराज शर्माले ३ हजार ४ सय ४६ मत प्राप्त गरेका छन् ।

बाराको बारागढी गाउँपालिकामा रिक्त रहेको वडा नं. १ को वडाध्यक्षको लागी भएको उपनिर्वाचनमा समाजवादी पार्टीका उम्मेदवार सुरेशप्रसाद चौधरी विजयी भएका छन् ।

प्रतिनिधिसभा सदस्यका लागि शनिबार सम्पन्न उपनिर्वाचनमा कास्की निर्वाचन क्षेत्र २ मा नेकपा उम्मेदवार विद्या भट्टराई २४ हजार ३९४ मत ल्याइ विजयी भएकी छिन् । उनले ८ हजार ४०३ मतान्तरले विजयी भएकी हुन् ।

धनपालथान गाउँपालिका वडा २ मा वडाध्यक्ष पदका लागि भएको उपनिर्वाचनमा कांग्रेसका नारायणप्रसाद साह १ हजार ७ सय १ मत ल्याएर विजय भएका छन् । उनका निकटतम प्रतिद्वन्द्वी नेकपाका पंकजकुमार मण्डलले १ हजार ४ सय ९७ मत ल्याएको छ ।

गुल्मीको रुरुक्षेत्र गाउँपालिका–६ मा नेकपाका गिरिप्रसाद सिंजाली विजयी भएका छन् । सिंजाली निकटम प्रतिस्पर्धी कांग्रेसका बेदप्रसाद दर्लामीलाई ७५ मत अन्तरले पराजित गरे ।

निर्वाचन आयोगले मंसिर १४ गते हुने उपनिर्वाचनको सबै तयारी पूरा भएको जनाएको छ । आयोगले बुधबार पत्रकार सम्मेलन गरेर निर्वाचनका लागि आवश्यक कर्मचारी र निर्वाचन सामग्री मतदान केन्द्रसम्म पुगिसकेको जानकारी दिएको हो ।