ग्रिनल्यान्ड कप बास्केटबल शुक्रबारदेखि

प्रतियोगितामा तीन विधामा ६४ टिमको सहभागिता रहने ग्रिनल्यान्डका प्राचार्य एवं प्याब्सनका केन्द्रीय उपाध्यक्ष थकिनकुमार गुरुङले बिहीबार पत्रकार सम्मेलनमा जानकारी गराए ।

जुनियर ब्वाइजमा २४, सियिनर गर्ल्समा १६ र सिनियर ब्वाइजमा २४ टिमले लिगकम नकआउट आधारमा प्रतिस्पर्धा गर्नेछन् । सिनियर ब्वाइजमा आयोजक ग्रिनल्यान्ड, सिनियर गर्ल्समा भ्याली पब्लिक र जुनियर ब्वाइजमा लालीगुराँस नेसनल एकेडेमी डिफेन्डिङ च्याम्पियन हुन् ।

प्रतियोगिता सञ्चालन गर्न करिब ३ लाख रुपैयाँ खर्च हुने ग्रिनल्यान्डका सह–प्राचार्य विनोद घिमिरेले बताए । भदौ ११ सम्म चल्ने प्रतियोगिताका खेल आयोजक ग्रिनल्यान्डकै कोर्टमा खेलाइने छ ।