भान्डरसेको घातक बलिङमा श्रीलंकासँग भारत पराजित

टस जितेर पहिले ब्याटिङ गरेको श्रीलंकाले ५० ओभरमा नौ विकेट गुमाएर २ सय ४० रन बनाएको थियो । जवाफमा ब्याटिङ मैत्री पिचमा भारत ४२.२ ओभरमा २ सय ८ रन बनाएर अलआउट भयो ।

शानदार सुरुआत गरेको भारतले एक समय बिना कुनै विकेटको क्षति ९७ रन बनाएर पनि यो खेल गुमाएको हो । कप्तान रोहित शर्माले ६४ रन बनाए । भान्डरसेले ३३ रनमा छ विकेट लिए । यसअघि पहिलो वान डे टाइ भएको थियो । अब भारतले शृंखला जोगाउन तेस्रो तथा अन्तिम वान डे जित्नु पर्नेछ ।