बिच भलिबलमा महिलाले जिते स्वर्ण, पुरुषलाई रजत

शनिबार चालिङमिथाङ राष्ट्रिय रंगशालामा भएको फाइनलमा नेपालका कमला पुन र मनीषा चौधरीको जोडीले उज्वेकिस्तान ‘ए’ टोलीलाई २१–१७, २१–१४ को सेटमा पराजित गरेको थियो । नेपाली टोलीले अपराजित रहँदै उपाधि जितेको हो ।

नेपाले सेमिफाइनलमा उज्वेकिस्तान बी टिमविरुद्ध २१–१३, २१–१२ को जित निकालेको थियो ।

दुई वर्षअघि बंगलादेशमा सम्पन्न एभीसी बिच भलिबलमा कमलाले कोपिला उप्रेतीसँग मिलेर रजत जितेकी थिइन् ।

मानबहादुर र दिलको जोडीलाई रजत

नेपाली पुरुष बिच भलिबल टोलीले भने रजत जितेको छ । शनिबार भएको फाइनलमा मानबहादुर श्रेष्ठ र दिल सुनारको जोडीले माल्दिभ्स ए टिमसँग २१–१९, २१–१७ ले पराजित हुँदै रजतमा चित्त बुझाएको हो ।

उनीहरूको जोडीले दुई वर्षअघि बंगलादेशमा एभिसी सेन्ट्रल जोन बिच भलिबलमा पनि रजत जितेको थियो ।