२०.१२°C काठमाडौं
काठमाडौंमा वायुको गुणस्तर: २६१

१२औं कान्तिपुर हाफ म्याराथन शनिबार : तीन हजार बढी सहभागी हुने

काठमाडौँ — कान्तिपुर हाफ म्याराथनको १२ औं संस्करण यही जेठ ५ गते शनिबार हुने भएको छ । कान्तिपुर पब्लिकेशन्स लिमिटेडको आयोजनामा हुँदै आएको कान्तिपुर हाफ म्याराथनमा यसपालि झन्डै ३ हजारभन्दा बढी सहभागिता रहने छ । 

१२औं कान्तिपुर हाफ म्याराथन शनिबार : तीन हजार बढी सहभागी हुने

कान्तिपुर पब्लिकेशन्सका सीईओ महेश स्वाँरले बुधबार आयोजित पत्रकार सम्मेलनमा प्रतियोगिताको तयारी पूरा भएको जनाउँदै विगतमा भन्दा यसपालि सहभागिता संख्या बढिरहेको बताए । उनका अनुसार बुधबारसम्म ३ हजार हाराहारीमा दर्ता भएको र दर्ता समय आज बिहीबारसम्म रहेकाले सहभागिता अझै बढ्ने छ ।

ग्लोबल आइएमई बैंकको प्रस्तुति रहेको कान्तिपुर हाफ म्याराथनको यसपालिको नारा ‘रन टु इन्स्पायर द योङ’ छ । कान्तिपुरले हरेक संस्करणमा फरक विषयमा म्याराथन गर्दै आएको छ । नेपाल एथलेटिक्स संघको क्यालेन्डरमा रहेको यस कान्तिपुर हाफ म्याराथनमा चार विधामा महिला र पुरुष दुवैको प्रतिस्पर्धा हुनेछ । त्यसमा २१.१ किमिको हाफ म्याराथन मुख्य हुनेछ । कर्पोरेट रन ५ किमि, कलेज रन ७ किमि, ह्विलचेयर रेस १ किमिको दुरीमा हुनेछ ।

पुरुष र महिला हाफ म्याराथन विजेताले जनही १ लाख रुपैयाँ पुरस्कार जित्नेछन् । दोस्रोदेखि छैटौं हुनेले क्रमशः ५०, ३०, २०, १० र ५ हजार रुपैयाँ पाउनेछन् । ह्विलचेयर रेसका विजेताले ३०, दोस्रोले २० र तेस्रो हुनेले र १० हजार पाउनेछन् । कर्पोरेट र कलेज रनका शीर्ष ३ स्थानका महिला र पुरुष विजेताले विभिन्न पुरस्कार र गिफ्ट ह्याम्पर पाउनेछन् ।

कान्तिपुर मुख्यालय थापाथलीस्थित सेन्ट्रल बिजनेस पार्कबाट सुरु हुने कान्तिपुर हाफ म्याराथन दौड माइतीघर मण्डला, बानेश्वर, तीनकुने, कोटेश्वर, जडिबुटी, लोकन्थली गठ्ठाघर, थिमि, सल्लाघारी चोकभन्दा अघि अगाडिबाट फन्को लगाएर कोटेश्वर, तीनकुने, बानेश्वर, माइतीघर हुँदै सेन्ट्रल बिजनेस पार्क आएर टुंगिने छ ।

रेस डाइरेक्टर आरके विष्टले हाफ म्याराथनको रुटको बारेमा जानकारी गराउँदै त्यसका लागि आवश्यक जनशक्ति तयारी अवस्थामा राखिएको बताए । उनले हाफ म्याराथनमा यसपालि साढे दुई घन्टाको समयलाई अन टाइमको रूपमा राखिएको बताए । त्यो टाइमभित्र दौड पूरा गर्नेलाई टाइमिङसहित प्रमाणपत्र प्रदान गरिने आयोजकले जनाएको छ ।

हाफ म्याराथनको मुख्य प्रायोजक रहेको ग्लोबल आईएमई बैंकका सिनियर डीसीईओ सुरेन्द्रराज रेग्मीले प्रतिष्ठित कान्तिपुर हाफ म्याराथनको ‘रन टु इन्स्पायर द योङ’ नारा सान्दर्भिक रहेको बताए । ट्राफिक प्रहरीको तर्फबाट डीएसपी सुनिलजंग शाहले प्रतियोगिता व्यवस्थित बनाउन ट्राफिक पक्षबाट चुस्त प्रयास रहने बताए ।

हाफ म्याराथनको सेलिब्रेसन पार्टनर केएफसी एन्ड पिज्जा हर्ट, इम्पावरिङ पार्टनरमा फोनपे, पेनरिलिफ पार्टनरमा झन्डु, फुड पार्टनरमा फुड म्यानेजमेन्ट एन्ड ट्रेडिङ कम्पनी, डिजिटल पार्टनरमा ईसेवा मनी ट्रान्सफर, इन्टरनेसनल एयरलाइन्स पार्टनरमा जजिरा, हस्पिटालिटी पार्टनरमा दुसित थानी, गिफ्टिङ पार्टनरमा होटल क्राउन हिमालय र हस्पिटल पार्टनरमा अल्का अस्पताल रहेको कान्तिपुरले जनाएको छ ।

प्रकाशित : जेष्ठ ३, २०८१ ०७:३८
प्रतिक्रिया
पठाउनुहोस्
जनताको राय

भारतका २ ब्रान्डका गुणस्तरहीन मसला आयतमा प्रतिबन्ध लागेको छ । अन्य खाद्य सामग्रीबारे पनि अब सरकारले मुख्य रुपमा के गर्नुपर्छ ?