१५.१२°C काठमाडौं
हाङचाउ — नेपाली टेबल टेनिस महिला टिमले शुक्रबार हाङचउ एसियाली खेलकुदमा टिम स्पर्धामा सिंगापुरसँग एकपक्षीय हार बेहोरेको छ । सिंगापुरले नेपाललाई सजिलै ३–० ले हराएको हो ।
सिंगापुरकी झाउ जेले नविता श्रेष्ठलाई ११–४, ११–३ र ११–४ ले हराइन् । यस्तै, जेङ जेले सिक्का सुवाल श्रेष्ठलाई ११–२, ११–१ र ११–४ ले पराजित गरिन् ।
अर्को खेलमा वाङ आरले इभाना थापामगरलाई ११–३, ११–७ र ११–४ ले पन्छाइन् ।
अब नेपालले पुरुष टिम स्पर्धामा जापानको सामना गर्दैछ ।
