कान्तिपुर वेबसाईट
AdvertisementAdvertisement
२९.१२°C काठमाडौं
काठमाडौंमा वायुको गुणस्तर: १९०

लगातार तेस्रो जितपछि पुलिस चौथोमा

काठमाडौँ — लामो समय रेलिगेसनबाट बच्न संघर्षरत पुलिसले सोमबार सहिद स्मारक लिग ए डिभिजन ०७९–०८० मा लगातार तेस्रो जित निकालेको छ ।

दशरथ रंगशालामा भएको खेलमा उसले फ्रेन्ड्स क्लबलाई २–१ ले हरायो । यो जितपछि अब पुलिस अंक तालिकाको शीर्ष चारमा प्रवेश गरेको छ ।

पुलिसको अब ३१ अंक भएको छ । फ्रेन्डस भने हारले २४ अंकमै सीमित रह्यो । पुलिसका लागि अञ्जन राईले तेस्रो र ३५ औं मिनेटमा गोल गरे ।

फ्रेन्ड्सका लागि विकास थापाले २० औं मिनेटमा एक गोल फर्काए । त्यस अगाडि दशरथ रंगशालामै भएको दिनको पहिलो खेलमा खुमलटारले हिमालयन शेर्पालाई २–१ ले हरायो ।

खुमलटारका लागि मेसुके ओलुमोउले १७ र स्टेफन विनोङले ७६ औं मिनेटमा गोल गरे । हिमालयनले भने छैटौं मिनेटमा म्यानुएल एग्योमाङले गोलको अग्रता लिए पनि त्यसलाई कायम राख्न सकेन् । यो जितपछि खुमलटारको २४ अंक भएको छ । हिमालयनको भने २९ अंक छ ।

प्रकाशित : जेष्ठ १५, २०८० २०:०५
प्रतिक्रिया
पठाउनुहोस्
जनताको राय

माथिल्लो अरुण जलविद्युत् आयोजना निर्माणका लागि विश्व बैंकसँग सैद्धान्तिक सहमति जुटेपनि अहिले भारतले नै निर्माणका लागि चासो देखाएको छ । यसबारे तपाईंको के राय छ ?