१७.१२°C काठमाडौं
काठमाडौंमा वायुको गुणस्तर: १५७

चितवनलाई स्वर्ण

मकवानपुर — चितवनले दोस्रो वाग्मती प्रदेश खेलकुदमा शुक्रबार पुरुष क्रिकेटमा स्वर्ण जितेको छ । महिला क्रिकेटको उपाधि भने काठमाडौंले जितेको थियो । चितवनले घरेलु भूमि गौतम बुद्ध क्रिकेट मैदानमा शुक्रबार फाइनलमा ललितपुरमाथि ३६ रनको जित निकाल्यो ।

चितवनलाई स्वर्ण

१ सय ६७ रनको लक्ष्य पछ्याएको ललितपुरले ८ विकेट गुमाउँदै १ सय ३० रनमा समेटियो । चितवनका दिवस आचार्यले ५ विकेट लिँदै ललितपुरको इनिङ्स धराशायी बनाए । दीपेश श्रेष्ठले दुई र गौतम केसीले एक विकेट लिए । ललितपुरका विवेक रानामगर २७, ओपनर आशुतोष घिरैया २५, रोनिम तिवारीले १६ र आरस तामाङले १४ रन बनाए ।

टस जितेको चितवनले ७ विकेटमा १ सय ६६ रन बनायो । गौतम केसीले ३६, पाल्देन लामाले ३४, जेनिश महत र प्रतीक श्रेष्ठले ३२ रन जोडेका थिए । ललितपुरका प्रसिद्धले ३, विवेक रानामगरले २, युनिस थापा र आदिल खानले १–१ विकेट लिए । काठमाडौंका इशान पाण्डे प्लेयर अफ द सिरिज भए । काठमाडौंकै मनोज यादव उत्कृष्ट बलर र चितवनका प्रतीक श्रेष्ठ उत्कृष्ट ब्याटर चुनिए ।

प्रकाशित : जेष्ठ १३, २०८० ०६:५७
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?