२२.१२°C काठमाडौं
काठमाडौंमा वायुको गुणस्तर: २०९

पाल्पा–११ र लिस्नु भिड्ने

पाल्पा — तानसेनमा सोमबार सुरु हुने कर्णेल उजीरसिंह पाल्पा गोल्डकप फुटबल प्रतियोगिताको उद्घाटन खेलमा पाल्पा–११ र रूपन्देहीको लिस्नु क्लबबीच प्रतिस्पर्धा हुनेछ । आयोजक पाल्पा फुटबल संघ (एन्फा) ले गरेको ‘ड्र’ अनुसार उद्घाटन खेलमा समूह ‘ए’ रहेका पाल्पा र रूपन्देही भिड्ने भएका हुन् ।

पाल्पा–११ र लिस्नु भिड्ने

तानसेन टुँडिखेलमा हुने प्रतियोगितामा सहभागी १२ टिमलाई दुई समूहमा विभाजन गरिएको छ । समूह ‘ए’ मा पाल्पा र लिस्नुसहित फोर ब्रदर्स नवलपरासी (पश्चिम), रोड्स रामपुर एफसी चितवन, गार्डेन फुटबल क्लब पोखरा, वीर गोर्खाली लखनउ भारत छन् । समूह ‘बी’ मा रूपन्देही–११, २८ विघा युथ क्लब नवलपरासी (पूर्व), होराइजन फुटबल क्लब स्याङजा, स्वयम्भू युथ क्लब काठमाडौं, विष्णुपादुका युथ क्लब पोखरा र दी फेमस महिन्द्र दल गण पाल्पा छन् ।

समूह ‘ए’ मा रोड्स रामपुर र गार्डेन पोखराबीचको विजेताले वीर गोर्खालीसँग प्रतिस्पर्धा गर्नुपर्नेछ । पाल्पा र लिस्नुको बिजेताले फोर ब्रदर्ससँग खेल्नेछ । फाइनल जेठ २७ मा हुनेछ ।

विजेताले ३ लाख र दोस्रोले १ लाख ५० हजार रुपैयाँ पुरस्कार पाउने पाल्पा जिल्ला फुटबल संघका अध्यक्ष प्रणयवीर राणाले बताए । म्यान अफ द म्याचले ३ हजार पाउनेछन् । विधागत उत्कृष्टले जनही ६ हजार पाउनेछन् । खेल १३ वर्षसम्मका बालबालिकालाई निःशुल्क प्रवेश दिइने जनाइएको छ ।

प्रकाशित : जेष्ठ १२, २०८० २१:११
प्रतिक्रिया
पठाउनुहोस्
जनताको राय

कांग्रेसले 'वेल' घेरेर नाराबाजी गरिरहेका बेला प्रधानमन्त्रीले प्रतिनिधिसभामा विश्वासको मत लिएको घटनालाई कसरी लिनु भएको छ ?