कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १५५

जितसँगै पुलिस र हिमालयन अगाडि बढ्दै

काठमाडौँ — सहिद स्मारक लिग ए डिभिजन ०७९–०८० मा पुलिस र हिमालयन शेर्पाले महत्त्वपूर्ण जित निकालेका छन् । दशरथ रंगशालामा भएको पहिलो खेलमा पुलिसले खुमलटारलाई २–० ले हरायो ।

जितसँगै पुलिस र हिमालयन अगाडि बढ्दै

यो जितपछि पुलिसको २८ अंक भएको छ र सातौं स्थानमा उक्लेको छ । पुलिसका लागि भरत शाहले सुरुआती गोल गरेपछि मोहमद आसिकले दोस्रो गोल थपे ।

दशरथ रंगशालामै भएको दोस्रो खेलमा भने हिमालयन शेर्पाले थ्री स्टारलाई १–० ले हराएको हो । दोस्रो हाफको इन्ज्युरी समयको पाँचौं मिनेटमा निशान लिम्बूले हेडबाट गरे ।

यो जितले हिमालयनको २९ अंक भएको छ । यससँगै हिमालयन छैटौं स्थानमा उक्लन सफल रह्यो । थ्रीस्टार खराब लयबाट गुज्रिरहेको छ र टिम पछिल्ला १० खेलमा जितहीन रहेको छ ।

थ्रीस्टारको यो लगातार तेस्रो हार पनि हो । यी १० खेलमा उपलब्ध ३० अंकमध्ये थ्रीस्टारले ५ अंकमात्र बटुल्न सकेको छ । थ्रीस्टार २६ अंकमै सीमित रह्यो ।

प्रकाशित : जेष्ठ १२, २०८० २०:२१
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?