ए डिभिजन लिग : खुमलटार र पुलिस विजयी
काठमाडौँ — सहिद स्मारक लिग ए डिभिजन ०७९–०८० को पुछारमा रहेको खुमलटारले मंगलबार दशरथ रंगशालामा भएको खेलमा सातदोबाटोलाई १–० ले स्तब्ध पारेको छ । खुमलटारको जितमा मेसुके ओलुमोउले ३७ औं मिनेटमा निर्णायक गोल गरे ।
यस जितपछि खुमलटारको २१ अंक भएको छ भने सातदोबाटो २९ अंकमा सीमित रह्यो । मंगलबारको अर्को खेलमा पुलिस विजयी रह्यो र उसले सातदोबाटोमा भएको खेलमा थ्री स्टारलाई १–० ले नै पराजित गर्यो ।
पुलिसका लागि अहमद हिजाजीले २८औं मिनेटमा निर्णायक गोल गरे । यो जितपछि पुलिसको २५ अंक भयो । खराव लयबाट गुज्रिरहेको थ्री स्टार २६ अंकमै रोकियो ।
प्रकाशित : जेष्ठ ९, २०८० १८:२४प्रतिक्रिया