एसीसी प्रिमियर कप : टस हारेर कतारविरुद्ध पहिले ब्याटिङ गर्दै नेपाल

बिहीबार नेपालले करण केसीलाई विश्राम दिएर गुलशन झालाई खेलाएको छ ।

समूह ‘ए’ मा ओमान ६ अंकसहित शीर्षस्थानमा पुगेको छ । नेपाल यसअघि नै ३ खेलबाट ५ अंक जोड्दै सेमिफाइनलमा पुगिसकेको थियो । नेपाल बिहीबार हुने खेलमा कतारलाई पराजित गरेमा समूह विजेताको रूपमा सेमिफाइनल प्रवेश गर्नेछ । कतार भने ३ खेलमा पराजित हुँदै प्रतियोगिताबाट बाहिरिसकेको छ ।

नेपालले कतारसँग १५ वर्षपछि ५० ओभरको फर्म्याटको क्रिकेट खेल्न थालेको हो । यसअघि सन् २००८ मा नेपाल र कतार मलेसियाको क्वालालुम्पुरमा एसीसी इलिट ट्रफीमा प्रतिस्पर्धा गरेका थिए । उक्त खेल ७५ बल बाँकी रहँदै नेपालले ७ विकेटले जितेको थियो ।

ट्वान्टी-२० मा भने पछिल्लो पटक विश्वकप छनोटअन्तर्गत सन् २०१९ मा नेपाल र कतार भिडेका थिए । उक्त खेल भने कतारले ४ विकेटले जितेको थियो ।