आईपीएल : दोस्रो जितसँगै लखनउ शीर्षमा

चैत्र २५, २०७९कान्तिपुर संवाददाता

काठमाडौँ — लखनउ सुपर जायन्ट्सले तीन खेलमा दोस्रो जित निकाल्दै शुक्रबार इन्डियन प्रिमियर लिग २०२३ को शीर्ष स्थानमा उक्लेको छ । उसको चार अंक भएको छ । यसका लागि लखनउले सनराइजर्स हैदराबादलाई पाँच विकेटले पराजित गर्‍यो ।

हैदराबादको यो लगातार दोस्रो हार हो र १० टिम सम्मिलित प्रतियोगिताको पुछारमा छ । पहिले ब्याटिङ गरेको हैदराबादले आठ विकेटको क्षतिमा १ सय २१ रन बनाएको थियो । त्यसमा राहुल त्रिपाठीले सर्वाधिक ३४ रन बनाए ।