डर्टमुन्डलाई हराएर बायर्न अगाडि
बायर्न — बायर्न म्युनिकले शनिबार जर्मन बुंडेसलिगामा आफ्नो सबैभन्दा ठूलो प्रतिद्वन्द्वी बोरुसिया डर्टमुन्डलाई ४–२ ले पराजित गर्दै शीर्ष स्थानमा उक्लेको छ । यस खेलबाट नयाँ व्यवस्थापक टोमस टुचेलले बायर्नका लागि विजयी सुरुआत लिएका छन् ।
बायर्नको जितमा थोमस मुलरले २ गोल गरे । यो जितपछि बायर्नको २६ खेलबाट ५५ अंक भएको छ । डर्टमुन्ड भने ५३ अंकमा दोस्रो स्थानमा झरेको छ ।
यस खेल अगाडि शीर्षमा रहेको डर्टमुन्डको यस हारसँगै लिगमा १० खेलको अपराजित यात्रा टुंगेको छ । बायर्न भने लगातार ११ औं लिग उपाधिको अभियानमा छ ।
प्रकाशित : चैत्र १९, २०७९ ०६:५०प्रतिक्रिया
