१८.१२°C काठमाडौं
काठमाडौंमा वायुको गुणस्तर: १२४

उपाधिमा एपीएफको ह्याट्रिक

काठमाडौँ — कप्तान सीता रानामगरको उत्कृष्ट प्रदर्शनको मद्दतले एपीएफले बिहीबार लगातार तेस्रोपल्ट ललितपुर मेयर्सकप वुमेन्स ट्वा-ट्वान्टीको उपाधि जितेको छ । 

उपाधिमा एपीएफको ह्याट्रिक

लगातार तेस्रोपल्ट च्याम्पियन हुने क्रममा उसले कोशी प्रदेशलाई ५४ रनले पराजित गरेको हो । कीर्तिपुरको टीयू मैदानमा पहिले ब्याटिङको निम्तो पाएको एपीएफले १ विकेटमात्र गुमाएर १ सय ५४ रन बनाएको थियो । त्यसमा सीताले ६८ बलमा ७९ रनको उत्कृष्ट प्रदर्शन गरिन् र नटआउट रहिन् । उनले ६८ बलको सामना गरेर ९ चौका तथा २ छक्का प्रहार गरिन् । उनी नै खेलका ‘प्लयेर अफ द म्याच’ रहिन् । उनलाई इन्दु वर्माले पनि बलियो साथ दिइन् । इन्दुले ४१ बलमा नटआउट रहेर ५१ रन बनाइन् ।

उनको इनिङ्समा ५ चौका र १ छक्का सामेल थियो । उनीहरूले दोस्रो विकेटका लाग १ सय ३६ रनको साझेदारी गरे । आउट हुने एक्ली ब्याटर ज्योति पाण्डेले २ रन बनाइन् । त्यसको जवाफमा कोशीले ६ विकेट गुमाएर १०० रनमात्र बनाउन सक्यो । कोशीका लागि कप्तान रुबिना क्षेक्रीले बनाएको ३५ रन नै सर्वाधिक ठूलो व्यत्तिगत स्कोर रह्यो ।

उनले ४१ बलको सामना गरेर ४ चौका प्रहार गरिन् । उनीपछि लकिता राजवंशीले २१ रन बनाइन र नटआउट रहिन् । एपीएफका लागि विनु बुढाले २ तथा रेखा रावल, सोनु खड्का र नेरी थापाले १/१ विकेट लिए ।

प्रकाशित : चैत्र १६, २०७९ १८:१२
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?