कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १३४

कुम्मायक गोल्डकप : याङवरक र फाल्गुनन्द फाइनलमा 

लक्ष्मी गौतम

पाँचथर — याङवरक गाउँपालिका पाँचथरको कुम्मायक गाउँपालिकामा जारी चौथो 'कुम्मायक गोल्डकपको फाइनलमा प्रवेश गरेको छ । मंगलबार सम्पन्न अन्तिम सेमीफाइनल खेलमा प्रतिस्पर्धी मिक्लाजुङ गाउँपालिकालाई टाइब्रेकर मा ६–५ गोल अन्तरले हराउँदै याङवरकले फाइनलको यात्रा सुरक्षित गरेको हो ।

कुम्मायक गोल्डकप : याङवरक र फाल्गुनन्द फाइनलमा 

निर्धारित समयमा ३–३ गोल बराबरीमा खेलेका दुवै टिमले थप गरिएको समयमा पनि निर्णायक गोल गर्न नसकेपछि टाइब्रेकरमार्फत निर्णय लिइएको थियो ।

आजको खेलमा याङवरकका टिम क्याप्टेन सुमन योङ्यालाई उत्कृष्ट खेलाडी घोषणा गर्दै नगदसहित पुरस्कृत गरियो । विजेता याङवरकले बुधबार हुने फाइनल खेलमा उपाधिका लागि फाल्गुनन्द गाउँपालिकाबीच प्रतिस्पर्धा हुने आयोजक कुम्मायक स्पोटिङ क्लबका अध्यक्ष रोहन घिमिरेले जानकारी दिए ।

प्रतियोगिताको विजेता टिमले नगद एक लाख ११ हजार एक सय ११ नगद पुरस्कारसहित तीन वर्षे रनिङ ट्रफी, मेडल र प्रमाणपत्र प्राप्त गर्नेछ । उपविजेताले नगद ५५ हजार पाँच सय ५५ रुपैयाँसहित ट्रफी मेडल र प्रमाणपत्र पाउने छन् । प्रतियोगिता चैत ११ गते सुरु भएको थियो ।

प्रकाशित : चैत्र १४, २०७९ १९:५९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?