धनगढी — ए डिभिजन टोली थ्रीस्टार क्लब छैटौं संस्करणको खप्तड गोल्डकप फुटबल प्रतियोगिताको सेमिफाइनल पुगेको छ । धनगढी रंगशालामा आइतबार थ्रीस्टारले छिमेकी प्रतिद्वन्द्वी फ्रेन्ड्स क्लबलाई १–० गोलले हराएको हो ।

खेलको पहिलो हाफ गोलरहित बराबरीमा खेलेको थ्रीस्टारले दोस्रो हाफमा गोल गरेको थियो । ५९ औ मिनटमा दिपेश गुरुङले गरेको गोल नै निर्णायक बन्यो । खेलको म्यान अफ द म्याच दिपेश गुरुङ घोषित भए ।

थ्रीस्टारले सेमिफाइनलमा सुदूरपश्चिम ११ र नेपाल पुलिस क्लबबीचको विजेतासंग खेल्नेछ । यो खेल चैत १६ मा हुनेछ । सोमबार मनाङ मर्स्याङ्दी र वाग्मती युवा क्लबबीच प्रतिस्पर्धा हुने आयोजक समितिले जनाएको छ । मोफसलको सर्वाधिक पुरस्कार राशिको यो प्रतियोगिता विजेताले २१ लख र उपविजेताले १० लाख पुरस्कार पाउनेछन् ।